چالاکییەکان دژی گۆشەگیری سەر ڕێبەری گەلی کورد عەبدوڵا ئۆجالان و هەڕەشەکانی سەری، زیاتر دەبن. لەم چوارچێوەیەدا، بە پێشەنگایەتی دایکانی ئاشتی لە شەهبا، ڕێپێوان ئەنجامدرا.

سەدان کۆچبەری عەفرین و دانیشتووانی شەهبا لە گوندی کەفەرغارس تا گۆڕەپانی شارەوانی گوندی تەل سەوسەنی ناوچەی ئەحداس ڕێپێوانیان کرد.

لە ڕێپێوانەکەدا، وێنەی ڕێبەری گەلی کورد عەبدوڵا ئۆجالان بەرزکرایەوە و بەردەوام درووشمی سڵاوکردن لە بەرخۆدانی وی، دەگوترایەوە.

ڕێپێوانەکە لە گۆڕەپانی شارەوانی ڕاوەستا و گۆڕا بۆ گردبوونەوە. بەناوی دایکانی ئاشتی عەفرین و شەهبا، خەدیجە عەفرین، ڕایگەیاند، کاتی ئازادی ڕێبەری گەلی کورد عەبدوڵا ئۆجالانە، گوتی: " ڕێبەر ئاپۆ تەنها بە جەستە لە زیندانە. با هەمیشە بۆ ئازادی جەستەیی ڕێبەر ئاپۆ چالاکی بکەین. ئێمەی دایکانی ئاشتی سنوورەکان هەڵدەوەشێنینەوە و ڕێبەر ئاپۆ ئازاد دەکەین".

هەروەها ئەندامی مەجلیسی کانتۆنی عەفرین و شەهبا، ئەحمەد ئەلسەلامە، بێدەنگی هێزە نێونەتەوەییەکانی سەبارەت بە تاوانەکانی دەرهەق بە ڕێبەری گەلی کورد عەبدوڵا ئۆجالان شەرمەزار کرد، گوتی: "ئێمە لەسەر فیکر و فەلسەفەی ڕێبەر ئاپۆ گەورە دەبین، تا ئازادیی جەستەیی ڕێبەر ئاپۆ بۆ هەمیشە لە گۆڕەپانەکان دەبین".