هێزەکانی ڕزگاری عەفرین لە بەیاننامەیەکدا ڕایگەیاند کە شەڕڤانێکیان بەناوی ڕۆستەم عەفرین بەهۆی نەخۆشییەکی سەختەوە شەهید بووە.

 لە ڕاگەیەندراوەکەدا ئاماژە بەوەکراوە:

"هەڤاڵمان ڕۆستەم عەفرین ماوەیەک بوو بەهۆی نەخۆشییەکی سەختەوە چارەسەری بۆ دەکرا، بەڵام سەرەڕای هەموو هەوڵدانە پزیشکیەکان بەداخەوە چارەسەری بەدەست نەهێنا و لە ٢ی تشرینی دووەمی ٢٠٢٤ چووە کاروانی نەمرانەوە.

هەڤاڵمان ڕۆستەم عەفرین لەدایکبووی شاری حەڵەبە، هەرچەندە بنەماڵەی هەڤاڵمان لە دەرەوەی وڵات لە حەلەب دەژیان بەڵام کوردبوونیان خۆیان لەبیر نەکردووە و منداڵەکانیان بە زمانی خۆیان و بە کولتوری کوردەواریەوە پەروەردە کردووە. لە سەرەتای شۆڕشی ڕۆژئاواوە نەک هەر شارە کوردییەکان بەڵکو لە حەڵەبیش بەرخۆدانی گەورەی کورد بەڕێوە چوو، کچان و کوڕانی کورد بە ساڵان لە دژی دڕندەیی چەتەکان شەڕ وتێکۆشانیان کردووە. ئەم بەرخۆدانه کاریگەری لەسەر حەڵەب و شاره کوردییەکان کردووە، ئەمەش بووەتە هۆی ئەوەی بە هەزاران گەنجمان ڕوویان لە مەیدانی شەڕ و بەرخۆدان بکەن. یەکێک لەو گەنجانە هەڤاڵمان ڕۆستەم عەفرین بوو.

هەڤاڵ ڕۆستەم عەفرین بە چاو و دڵی خۆی بینی کە دوژمن چەندە دڕندە و ستەمکارە لە دژی وڵات وگەلەکەمان، لە شەڕی بەرخۆدانی عەفرین کۆچکردنی گەلەکەمان بۆ شەهبا و ناوچەکانی تر بووە هۆی ئەوەی هەڤاڵمان ڕۆستەم بەڵێنی تۆڵەسەندنەوەی لە دڵدا زیاتر بەهێز بێت. لەبەر ئەوەی هەڤاڵ ڕۆستەم ڕاستی دوژمنی باش دەناسی. ئەو خۆی لە هەموو بواری ئایدۆلۆژی و سەربازیدا پەرە پێدا بوو، کەسایەتیەکی پاک و دڵسۆزی گەلەکەی بوو، لەهەمان کاتدا تێکۆشەرێکی لێهاتوو بوو.

ئێمە وەک هێزەکانی ڕزگاری عەفرین سەرەتا سەرەخۆشی لە بنەماڵەی هێژا و وڵاتپارێزی هەڤاڵمان ڕۆستەم عەفرین و هەموو گەلی وڵاتپارێزی گەلی کوردستان دەکەین جارێکیتر بەڵێن دەدەین هەتا ئازادی شارەکانمان لە دەستی داگیرکاری و خەون و ئامانجی هەموو شەهیدانمان بەردەوام دەبین لە تێکۆشان و بە دڵنیاییەوە سەردەکەوین.

ناسنامەی شەهید بەمشێوەیە:

ناسناو: ڕۆستەم عەفرین

ناو و پاشناو : یوسف ڕەشید

ناوی دایک: فیدان

ناوی باوک : خەلیل

شوێن و کاتی شەهیدبوون: ٢ی تشرینی دووەمی ٢٠٢٤ هەرێمی عەفرین."