هێزەکانی ڕزگاریی عەفرین شەهیدبوونی شەڕڤانێکی ڕاگەیاند
هێزەکانی ڕزگاریی عەفرین شەهیدبوونی شەڕڤان جانشێر شێراوای ڕاگەیاند کە ١٤ ی حوزەیران لە هێرشی ئاسمانی دەوڵەتی داگیرکەری تورک برینداربوو، لە ٢٠ ی هەمان مانگ شەهیدبوو.
هێزەکانی ڕزگاریی عەفرین شەهیدبوونی شەڕڤان جانشێر شێراوای ڕاگەیاند کە ١٤ ی حوزەیران لە هێرشی ئاسمانی دەوڵەتی داگیرکەری تورک برینداربوو، لە ٢٠ ی هەمان مانگ شەهیدبوو.
هێزەکانی ڕزگاریی عەفرین ڕاگەیاندراوێکی لەم بارەیەوە بڵاوکردەوە.
لە ڕاگەیاندراوەکەدا هاتووە:
"هێرشی ئاسمانی داگیرکەری تورک لە ١٤ ی حوزەیران، بووە هۆی برینداربوونی هاوڕێمان جانشێر شێراوا کە ئەرکی خۆیان ڕادەپەڕاند لە قۆناغی دووەمی بەرخۆدانی سەردەم لە عەفرین، لە ٢٠ ی حوزەیران سەرەڕای هەوڵەکان بۆ ڕزگارکردنی شەهیدبوو.
هاوڕێمان جانشێر لە بنەماڵەیەکی وڵاتپارێزی شارۆچکەی شێراوای عەفرین لەدایکبووە، بەگوێرەی کەلتوور و هەستی وڵاتپارێزی بنەماڵە و دەوروبەرەکەی گەورە بوو، لەگەڵ داگیرکردنی عەفرین، هاوڕێمان جانشێر لە ئامانجەکانی دوژمن تێگەیشت دژی گەلەکەمان، هەستە وڵاتپارێزییەکەی و ڕق و توڕەیی لە دوژمن بەرجەستەکرد و لە ساڵی ٢٠٢٠ پەیوەندی کرد بە تێکۆشانمانەوە دژی داگیرکەر، بەهۆی بنیاتە جەستەییە بەهێز و چالاکەکەی لە پەروەردەدا ڕووبەڕووی ئاستەنگ نەبووەوە، بەڵکو بەپێچەوانەوە، کاریگەرییەکی ئەرێنی هەبوو لەسەر ئاراستەی تێکۆشان و گۆڕینی بۆ هێزێکی مەزن. لەمیانی بەشداریکردنی لە ئۆپەراسیۆنەکانی عەفرین و دەوروبەری ئەزموونی شەڕی مەزنی دەسکەوت. هاوڕێکانی گەواهیدەری چالاکی و هەوڵەکانین. هەرچەن شەهیدبوونی کاریگەری کردە سەر هاوڕێکانمان، بەڵام ژیان و هەڵوێستی دژی داگیرکەران دەکەینە پاڵنەری تێکۆشانمان. لە هێزەکانی ڕزگاریی عەفرین بەڵێن دەدەین بە درێژەدان بە ڕێگەی شەهیدە قارەمانەکان و بەرجەستەکردنی ژیان و تێکۆشانیان لە هەموو ساتێکی ژیانماندا، سەرەخۆشی لە بنەماڵەی هاوڕێ شەهیدەکەمان و گەلە وڵاتپارێزەکەمان دەکەین.
ناسنامەی شەهید بەم جۆرەیە:
ناسناو: جانشێر شێراوا
ناو و پاشناو: ئەحمەد ئیبۆ
ناوی دایک – باوک: حەمیدە _ محمد
شوێن و کاتی شەهیدبوون: هەرێمی عەفرین / ٢٠ حوزەیرانی ٢٠٢٣".