لە چوارچێوەی چالاکیەکانی خەڵکی کانتۆنی جزیرە بۆ شەرمەزارکردنی هێرشەکانی دەوڵەتی داگیرکەری تورک لەسەر هەرێمەکە، ماوەی ٢ ڕۆژە خەڵکی  ناوچەی عامودا لە ژێر خێمەدا لە بەردەم ناوەندی چاندی ناوچەی عامودا چالاکی دەکەن.

ئەمڕۆش خەڵکی چاغرلی و دامەزراوە و کۆمەڵەکانی، کۆنگرەی ستار، مەجلیسی ناوچەکە، مامۆستا و ڕۆشنبیران بەشداری چالاکیەکە بوون.

لە خێمەکەدا دروشمەکانی 'بەرخۆدان ژیانە' و 'بژی بەرخۆدانی ڕۆژئاوا' بەرزکرایەوە.

هاوڵاتیەکی ناوچەی عامودا بەناوی محمەد سەعید قسەیکرد و وتی: "دەوڵەتی داگیرکەری تورک لەسەر قڕکردن و تواندنەوەی گەلان دامەزراوە، لەبەرئەوە بەردەوام هێرش دەکاتە سەر هەرێمەکە و گەلان".

محەمەد لەسەر دەستەکەوتەکانی گەل قسەیکرد و گوتی: "ئەمڕۆ لە ڕۆژئاوا ئەو دەستکەوت و هەنگاوانەی کە ناوێتی لەسایەیی شەهیدان و تەڤگەی ئازادیەوە بەدەستهێنراوە، ئێمە هەمێشە ئەم سەرکەوتن و دەستکەوتانە و شۆڕشی ڕۆژئاوا دەپارێزین".

بەناوی بەڕێوەبەرایەتی خوێندنگاکانی ناوچەی عامودا، هانا خالید قسەی کرد، ڕایگەیاند کە دەوڵەتی تورک بەشێوەیەکی دوور لە بەها ئەخلاقییەکان هێرشی سەر هەرێمەکانی باکور و ڕۆژهەڵاتی سوریا دەکات و گوتی: "ئامانجی دەڵەتی داگیرکەری تورک لەباربردنی پرۆژەی ئیدارەی خۆبەڕێوەبەری و نەتەوەی دیموکراتیکە".

لە درێژەی قسەکانیدا هانا بێدەنگی هێزەکانی نێونەتەوەیی و ڕێکخراوەکانی مافی مرۆڤی بەرامبەر هێرشەکانی دەوڵەتی تورک لەسەر ژێرخانی هەرێم شەرمەزارکرد و گوتی: "بێ دەنگی و بێ هەڵوێستی هێزەکانی نێونەتەوەیی و ڕێکخراوەکانی مافی مرۆڤ لە بەرامبەر هێرشی داگیرکاری دوورە لە بەها جڤاکی و مرۆڤایەتییەکان".