دانیشتووانی هەرێمی فورات رایانگەیاند کە بۆ ئازادی و یەکسانی، پێویستە گەلی کورد دەنگ بە پارتەکەیان پارتی چەپی سەوز بدات و بانگەوازیان لە گەنجانی باکوری کوردستان و تورکیا کرد کە بۆ بنیاتنانی کۆمەڵگایەتی دیموکرات دەست بە خەبات بکەن.
'لە دژی زۆردەستی دەنگ بە خۆتان بدەن'
گەنجێکی کۆبانێ بە ناوی محەمەد محەمەد رایگەیاند کە پێویستە هەموو گەنجانی قارەمان لەدژی دیکتاتۆری، فاشیزم و داگیرکەری هەستنە سەرپێ و وتی، " ئێمە تەئکید لەسەر ئازادی خۆمان دەکەین. بۆیەش پێویستە گەلەکەمان دەنگ بە پارتەی خۆیان پارتی چەپی سەوز بدات. بۆ ئەوەی لەدژی کۆیلایەتی سەرمان بەرز بکەینەوە و لەدژی زوڵم رێگەی بەرخۆدان بکەین و لە بەرامبەر داگیرکەری شەڕ بکەین، پێویستە گەنجان پێکەوە دەنگی خۆیان بە پارتی چەپی سەوز بدەن، پێویستە ئێمە بە رۆح و گیانەوە دەنگی خۆمان بدەین.
' بۆ ئازادی ژن دەنگ بە خۆتان بدەن'
گەنجێکی دیکە بەناوی رۆژین موسلیم بانگەوازی لە گەنجانی باکوری کوردستان کرد و وتی، " بۆ ئازادی ژنان پێویستە هەموو ژنان و گەنجانی باکوری کوردستان دەنگی خۆیان بە پارتی چەپی سەوز بدەن. پێویستە هەستنە سەر پێ و دەسەڵات برووخێنن و چوار پارچەی کوردستان یەک بخەن، ئێمە لەدژی فاشیزم دەوەستینەوە و فاشیزم هەڵدەوەشێنین و ژیانێکی دیموکرات بنیات دەنێین.
گەنجێک بەناوی بێریڤان موسا رایگەیاند کە بۆ ئەوەی تۆڵەی ئەشکەنجەی نێو زیندانەکان بکەینەوە، بۆ ئەوەی تۆڵەی زوڵم بکەینەوە و تۆڵەی کۆمەڵکوژیەکان، تاڵان، وێرانکردن، کۆیلایەتی بکەینەوە پێویستە گەنجانمان دەنگ بە پارتی چەپی سەوز بدەن.
'پێویستە گەلەکەمان بەردەوام لە گۆڕەپانەکان بێت'
ریشسپیەک بەناوی فەتحی عەلی وتی، " پێویستە هەموو کەسێک دەنگ بدات. بۆ نەهێشتنی باج و کۆیلایەتی دەنگی خۆتان بە پارتی چەپی سەوز بدەن. پێویستە دایک و باوکەکانمان لە باکور هەموو کاتێک لە گۆڕەپانەکان بن، بۆ ئەوەی ئازادی بەدەست بێنن."
ف.ق
