کۆنفرانسەکە بە دروشمی "بە ڕۆحی ھەڵمەتی ١٥ی ئاب، ئاستی تێکۆشانی ژنان بەرز دەکەینەوە و ئازادی جەستەیی ڕێبەر ئاپۆ مسۆگەر دەکەین"، لە ناوەندی کولتوور و ھونەری ئارام تیگران لە شارۆچکەی ڕمێلان لە کانتۆنی قامیشلۆ بەڕێوەدەچێت .

لە کۆنفرانسەکەدا، ٥٠٠ نوێنەر لە سەرجەم ناوچە، شارۆچکە، شار و کانتۆنەکانی باکوور و ڕۆژهەڵاتی سوریا بەشدارن.

ھەروەھا نوێنەرانی ڕێکخراوەکانی ژنان، دامەزراوەکانی ژنانی ھەرێمەکە و ئیدارەی خۆبەرێوەبەری باکوور و ڕۆژهەڵاتی سوریا بە جلوبەرگی نەتەوەیی وەک میوان بەشدارییان لە کۆنفرانسەکەدا کرد.

بەگوێرەی لێژنەی ئامادەکاری کۆنفرانسەکە، ڕاپۆرتی چالاکییەکانی ٢ ساڵی ڕابردووی ئەنجومەنی ژنان دەخوێندرێتەوە، پێداچوونەوە بە پەیڕەوی ئەنجومەنەکە دەکرێت و ھەموار دەکرێتەوە. ھاوکات ئەندامانی ئەنجومەنەکە ھەڵدەبژێردرێن.

ژ.ن