ئەنجوومەنی مەدەنی دیموکراتیکی دێرەزۆر لە ڕاگەیەندراوێکدا، داوای پشتیوانی لەو هەوڵانە کرد، کە ئامانج لێیان چەسپاندنی ئاسایشی ناوچەکەیە.

لە ڕاگەیەندراوەکی ئەنجوومەنی مەدەنی دیموکراتیکی دێرەزۆردا ھاتووە:

"هێزەکانی سوریای دیموکراتیک (قەسەدە) ئۆپەراسیۆنی چەسپاندنی ئاسایشیان لە گوندەکانی دێرەزۆر دەستپێکردووە. ئامانجی ئۆپراسیۆنەکە شکستپێهێنانی شانەکانی ڕێکخراوی تیرۆریستی داعش و وشکاندنی سەرچاوەکانیانە. ئەم ئۆپەراسیۆنە لەسەر داوای دانیشتوان و پیاوماقوڵانی دێرەزۆر ئەنجامدراوە، بەمەبەستی پتەوکردن و چەسپاندنی ئاسایش و سەقامگیری لە ناوچەکە. هاوکات ئۆپەراسیۆنەکە بۆ ڕێگریکردنە لەو ڕێکخراوە تیرۆریستییە کە هەوڵی هێرشکردنە سەر هەرێم و دانیشتوانەکەی دەدات و دەیەوێت ئاسایش و سەقامگیری ناوچەکە بشێوێنێت و خزمەت بە بەرژەوەندی وڵات و لایەنە دەرەکییەکان بکات، کە ئامانجیان لاوازکردنی ئیدارەی خۆبەڕێوەبەری و پێشکەوتنی ناوچەکانمانە.

لەسەر ئەو بنەمایە، داوا لە گەلەکەمان دەکەین شانبەشانی هێزەکانیان بوەستن، کە پارێزگاری دەکەن و ئەرکی ئەخلاقی خۆیان بەرامبەر بە خەڵک جێبەجێ دەکەن. هەروەھا داوا دەکەین پشتیوانی لەو هەوڵانە بکەین، کە ئامانج لێی چەسپاندنی ئاسایش و سەقامگیری ناوچەکەیە.

ئێمە بەڕێوەبەری مەدەنی دیموکراتیکی دێرەزۆر پاڵپشتی لە هەموو ئەو هەوڵانە دەکەین کە ئامانج لێیان پتەوکردن و چەسپاندنی ئاسایش و سەقامگیریە لە ھەرێمەکەدا. لە هەمان کاتدا، جەختدەکەینەوە، لە خزمەتکردنی خۆبەڕێوەبەری و پڕۆژەی دیموکراتیکمان بەردەوام دەبین".

ژ.ن