پاش ساڵێک لە خوێندن، ئەمڕۆ بڕوانامەی خوێندن بەسەر خوێندکارانی قۆناغی سەرەتایی لە قوتابخانەکانی هەرێمی فورات لە باکور و ڕۆژهەڵاتی سوریا دابەشکرا.

زۆرینەی خوێندکاران بە جلوبەرگی کوردیی و ڕوویەکی خۆشەوە ڕۆیشتنە قوتابخانەکانیان و ئاهەنگیان گێڕا.

لەم چوارچێوەیەدا، خوێندکار ئیڤا زوهەیر عیماد لە پۆلی پێنجەم لە قوتابخانەی شەهید ئازاد خۆشحاڵی خۆی دەربڕی و گوتی: «زمانی کوردی زۆر جوانە، دڵخۆشم بە کوردی دەدوێم، لەگەڵ هاوڕێکانم پێدەکەنم و گەمە دەکەم، با بەم خۆشحاڵییەوە زمانەکان بەهێز بکەین، ئەم ڕۆژە لە هەموو هاوڕێکانم پیرۆزدەکەم».

هەروەها خوێندکار نالین محمەد ئاماژەی بەوە کرد، زمانی کوردی زمانی دایکە، هەبوون و شوناسی ئەوانە، گوتی: «ئێمە زۆر دڵخۆشین بەم زمانە دەخوێنین و دەدوێین، ئەم دەسکەوتە لە هەمووان پیرۆزدەکەین».

ژ.ت