ناوەندی چاپەمەنی و ڕاگەیاندنی هێزەکانی قەسەدە لە بەیاننامەیەکدا ڕایگەیاند، لە دەمەو ئێوارەدا لە نێوان هێزەکانیان و چەتەکانی داعش لە ناوچەی ئەبو حمام کە دەکەوێتە ڕۆژهەڵاتی دێرەزور شەڕ هاتووتە ئاراوە.

بەگوێرەی ڕاگەیەندراوەکە، چەتەکانی داعش لەم شەڕەدا هێرشیان کردووەتە سەر ئۆتۆمبیلێکی هێزەکانی قەسەدە و لە ئەنجامدا شەڕڤانێک شەهید بووە و ٣ شەڕڤانی دیکەش برینداربوون.

هەروەها لە ڕاگەیەندراوەکەدا هاتووە ژمارەی کوژراو و بریندارەکانی چەتەکانی داعش نەزانراوە.