لە منبج بەهۆی گولـلە تۆپی نەتەقیوی چەتەکان، ٢ منداڵ برینداربوون
لە منبج، دوای تۆپبارانی دەوڵەتی تورک و چەتەکانی، گولـلە تۆپێکی نەتەقیو ٢ منداڵی بریندار کرد.
بە پێی زانیارییەکان، بەهۆی گولـلە تۆپێکی نەتەقاوە دوو منداڵ بە ناوەکانی "حسێن مستەفا" و "ئەیاد محەمەد خێر مستەفا" بریندار بوون.
ھەر بە گوێرەی ئەو زانیاریانە، ئەو منداڵانە لەکاتی شوانی لە باکووری شارەکە، لەناکاو گولـلە تۆپێکی نەتەقاوە پێیاندا تەقیوەتەوە و لە ئەنجامدا بە سووکی بریندار بوون و لە نەخۆشخانە چارەسەریان بۆ دەکرێت.
دەوڵەتی تورکی داگیرکەر و چەتەکانی ڕۆژانە دەورووبەری منبج دەکەنە ئامانج.
ژ.ن
