لە مەنبەج دژی گۆشەگیری ڕێپێوان کرا
گەلی مەنبەج دژی گۆشەگیری سەر ڕێبەری گەلی کورد عەبدوڵا ئۆجالان ڕێپێوانیان ئەنجامدا.
گەلی مەنبەج دژی گۆشەگیری سەر ڕێبەری گەلی کورد عەبدوڵا ئۆجالان ڕێپێوانیان ئەنجامدا.
ڕێپێوانەکە بە پێشەنگایەتی یەکێتی ژنانی گەنج بەڕێوەچوو، تێیدا ئەندامانی پارتە سیاسییەکان و ڕێکخراوەکانی جڤاکی مەدەنی و مەجلیسە مەدەنییەکان و تەڤگەری گەنجانی شۆڕشگێڕ و کۆمەڵەی ژنانی زنوبیا تێیدا بەشداربوون.
ڕێپێوانەکە لە چوارڕیانی میزان دەستیپێکرد بە بەرزکردنەوەی وێنەی ڕێبەری گەلی کورد عەبدوڵا ئۆجالان و درووشمەکان بۆ ستایشی بەرخۆدانی ئیمراڵی و بانگەوازی ئازادی جەستەیی.
پاش گەیشتن بە چوارڕیانی مەسەب لە ناوەندی مەنبەج، ئامادەبووان خولەکێک وەستان بۆ گیانی شەهیدان، پاشان ئەندامی یەکێتی ژنانی گەنج، سیماز ئیسحاق، گوتی: "بەناوی یەکێتی ژنانی گەنجی مەنبەج و دەوروبەری ئەمڕۆ کۆدەبینەوە بۆ ئیدانەکردنی هەموو کارە ستەمکارەکان و گۆشەگیری توندی سەر ڕێبەر عەبدوڵا ئۆجالان کە ٢٤ ساڵە لە گۆشەگیریدایە".
دووپاتی کردەوە، "ئەوان باش دەزانن پرۆژەی نەتەوەی دیموکراتیک، هەموو پێکهاتە و گەلان لەخۆدەگرێت و لەسەر ئازادی ژن بونیادنراوە، بۆیە دەیانەوێت ئەم ئیرادە و خۆڕاگری و چەسپاوییە بشکێنن".
سیماز ئاماژەی کرد بە توندکردنەوەی گۆشەگیری سەر ڕێبەری گەلی کورد عەبدوڵا ئۆجالان و گوتی: "پرۆژەی نەتەوەی دیموکراتیک سەرکەوتنی گەورەی بەدەستهێناوە، بۆیە گۆشەگیری نوێ دەکەنەوە".
دووپاتی کردەوە: "ئێمە بێ پچڕان و ماندووبوون تێدەکۆشین بۆ بڵاوکردنەوەی هزری دیموکراتیکی ڕێبەر عەبدوڵا ئۆجالان هاوڕێی ژنان، ئەو بەردی بناغەی ئەم شۆڕش و خۆڕاگری و قوربانیدانەیە لەپێناو ئامانج و سەرکەوتن".
لە کۆتایی قسەکانیدا جەختی کردەوە لەسەر درێژدەدان بە تێکۆشان و گوتی: "ئێمە وەک یەکێتی ژنانی گەنجی مەنبەج و دەوروبەری، تێدەکۆشین لەنێو ئەم هزر و شۆڕشەی لەسەر ئازادی ژن دامەزراوە، بەڵێن بۆ ڕێبەر عەبدوڵا ئۆجالان دووپات دەکەینەوە، ئارام ناگرین تا بەدیهاتنی ئازادی جەستەیی".
بەگوتنەوەی درووشمەکان بۆ ئازادی جەستەیی و شەرمەزارکردنی گۆشەگیری سەر ڕێبەری گەلی کورد عەبدوڵا ئۆجالان، ڕێپێوانەکە کۆتایی هات.