بۆ پشتیوانی قەسەدە، هێزەکانی مەجلیسی سەربازیی مەنبەج، هێزەکانی پاراستنی مەنبەج، سەدان دانیشتووی مەنبەج، ئەندامانی ئیدارەی مەدەنی، مەجلیسە مەدەنییەکان، پارتە سیاسییەکان، ئەندامانی مەجلیسی سەربازیی مەنبەج، ڕیشسپی شێخی عەشیرەتەکان و ڕێکخراوەکانی جڤاکی مەدەنی ڕێپێوانێکی جەماوەرییان ئەنجامدا، ڕێپێوانەکە لە چوارڕیانی میزانەوە بۆ چوارڕیانی دەلە دەستی پێکرد.

خێر شێخۆ: شارەکەمان دەپارێزین

لە چوارڕیانی دەلە ڕێپێوانەکە گۆڕا بۆ گردبوونەوە، هاوسەرۆکی مەجلیسی بەڕێوەبەری مەدەنی دیموکراتیکی مەنبەج، محەمەد خێر شێخۆ، پیلانگێڕی و هێرشەکانی سەر باکور و ڕۆژهەڵاتی سوریا و بەتایبەت مەنبەجی شەرمەزار کرد، گوتی: " بە پێی پیتەکانی وشەی مەنبەج، با پێکەوە لەگەڵ هێزە سەربازییەکانمان شارەکەمان بپارێزین، بەڵێن بە شەهیدەکانمان دەدەین کە شوێن پێی ئەوان بکەوین. بەهاوکاری گەل ئەم پیلانگێڕییانە تێکدەشکێنین و دەستکەوتەکان دەپارێزین و لە یەک سەنگەرداین بەرامبەر هێرشەکان".

شێخۆ گوتی: "ئەو کەسانەی لەلایەن دەوڵەتی تورکەوە بەکاردێن و شاری خۆیان وێران دەکەن و گەلەکەیان دەکوژن، پێیان دەڵێین، مەبنە گەمەی دەستی هێزە دەرەکییەکان".

دەروێش: ئێمە پیلانگێڕیمان لەناوبرد

لە لایەکی ترەوە، وتەبێژی مەجلیسی سەربازی مەنبەج، شەڕڤان دەروێش، گوتی: "بە بەرخۆدانی گەلەکەمان، عەشیرەتەکان و شەڕڤانان لە هەموو بەرەکانی شەڕ پیلانگێڕییەکانمان تێکشکاند. ئێمە خەڵکی ئەم عەشیرەت و وڵاتەین و کەس ناتوانێت لەبەردەممان بوەستێت".

دەروێش سوپاسی ئەو گەنجانەی کرد لە تەنیشت هێزەکانی مەجلیسی سەربازی مەنبەج وەستان و چەکیان لە دژی دوژمن هەڵگرت.

هێزی دەروێشی بەرگریکارانی شار لە ئەنجومەنی سەربازی مەنبج، جەیش ئەلسیوار، جەبەت ئەکراد، لیوا ئەلشیمال ئالدیموکراتی و ئەنجومەنی سەربازی باب هەموویان لە بەرەی پێشەوەی شەڕدان و وانەی سەختی چەتەکان دەڵێنەوە.

دەروێش دووپاتی کردەوە: "هێزەکانی پاراستنی شارەکە، مەجلیسی سەربازی مەنبەج، جەیش ئەلثوار، جەبهەتول ئەکراد، لیوای شیمال ئەلدیموکراتی، مەجلیسی سەربازی باب لە بەرەکانی شەڕ وانەیەکی گرانیان دایە چەتەکان".

عسێدی: خاوەنی ئیرادەیەکی بەهێزین

وتەبێژی مەجلیسی  ڕیشسپیانی مەنبەج، شێخ محمد سدیق ئەلعسێدی قسەی کرد و ڕایگەیاند، خەڵکی عەشیرەتەکان هەمیشە لەگەڵ هێزەکانی قەسەدە و مەجلیسی سەربازی مەنبەج دەبن. دانیشتووان و پێکهاتەکان و عەشیرەتەکان لەگەڵ قەسەدە هێرشەکانی سەر هەرێمەکەیان تێکشکاند.

ئەلعسێدی گوتی: "ئێمە پێکهاتەکانی باکور و ڕۆژهەڵاتی سوریا سەدان ساڵە بە خۆشەویستی و ئاشتی دەژین. پێویستە ئەردۆغان و چەتەکانی بزانن، ئێمە بەرامبەر فڕۆکەی بێفڕۆکەوان و شەڕی تایبەت بەرخۆدان دەکەین. چونکە ئێمە ئیرادەیەکی بەهێزمان هەیە".

ڕێپێوانەکە بە دروشمی "نا بۆ فیتنە"، "بەڵێ بۆ برایەتی گەلان" و "بژی بەرخۆدانی مەجلیسی سەربازی مەنبەج"، کۆتایی هات.