دەستەی بنەماڵەی شەهیدان و بریندارانی جەنگ و زیندانیانی کانتۆنی ڕەقە بۆ شەرمەزارکردنی سیستەمی ئەشکەنجە و قڕکردنی ئیمراڵی  بە درووشمی "ئازادی گەلان بە ئازادی ڕێبەر ئاپۆوە گرێدراوە، پێکەوە درێژە بە ڕێگەی ئازادی دەدەین" ڕێپێوانێکیان ئەنجامدا.

سەدان دانیشتوو، ئەندامانی دەستەی بنەماڵەی شەهیدان و بریندارانی جەنگ و زیندانیان، کۆمەڵەی ژنانی زنوبیا و ڕێکخراوەکانی کۆمەڵگەی مەدەنی بەشداربوون، لە ڕێپێوانەکەدا وێنەی ڕێبەر ئاپۆ هەڵگیرا و درووشمی "بژی سەرۆک ئاپۆ" و "بڕووخێت پیلانگێڕی نێونەتەوەیی دژی ڕێبەر عەبدوڵا ئۆجالان" بەرزکرایەوە.

ڕێپێوانەکە لە گۆڕەپانی ژنی ئازاد وەستا، لەوێ چەند وتەیەک پێشکەشکرا. جەختکرایەوە، ئەردۆگان و حکومەتی تورک لە فیکری ڕێبەر ئاپۆ دەترسن بۆیە سیستەمی ئەشکەنجە و قڕکردن بەرامبەری دەسەپێنن.

بانگەواز لە ڕێکخراوەکان و کۆمەڵگەی نێونەتەوەیی کرا، بۆ ئازادی جەستەیی ڕێبەر ئاپۆ ئەرکی خۆیان جێبەجێ بکەن.

لەکۆتاییدا درووشمی "بژی سەرۆک ئاپۆ" و "بڕووخێت پیلانگێڕی نێونەتەوەیی دژی ڕێبەر عەبدوڵا ئۆجالان" بەرزکرایەوە.