بە ئامانجی شەرمەزارکردنی هاوکاری پەدەکە بۆ دەوڵەتی داگیرکەری تورک، تەڤگەری گەنجانی شۆڕشگێڕی سوریا - لقی تەل تەمر ڕێپێوانێکی ئەنجامدا. دەیان ئەندامی تەڤگەرەکە و ئەندامانی دامەزراوە مەدەنییەکان و پارتە سیاسییەکان بەشداری ڕێپێوانەکە بوون.

ڕێپێوانەکە لە بەردەم ناوەندی مەجلیسی بنەماڵەی شەهیدان لە تەل تەمر دەستی پێکرد. له میانی ڕێپێوانه که دا پانکارتەکان درووشمی "هاوکاری دەوڵەتی تورک دژایەتی هەموو گەلانە" و "نا بۆ داگیرکەری تورک" و "بمرێ خیانەت" بەرزکرانەوە.

ڕێپێوانەکە لە کۆتایی گەڕەکی شەهید ئازاد گۆڕا بۆ گردبوونەوە. ئەندامی تەڤگەری گەنجانی شۆڕشگێڕی سوریا-لقی تەل تەمر، هاشم عەبدولقادر، ڕاگەیاندراوێکی خوێندەوە.

لە ڕاگەیاندراوەکەدا هاتبوو: "پەدەکە هەڤاڵە تێکۆشەرەکانمان لە چیا گەمارۆ دەدات بۆ ڕازیکردنی دەوڵەتی فاشیستی تورک. هەروەها پەدەکە هەماهەنگی لەگەڵ میت دەکات و شوێنی گەریلاکان دەداتە داگیرکەر".

گەنجان هاوپەیمانییە هەواڵگرییەکەی ئێران و تورک و حکومەتی دیمەشقیان بە ئامانجی نانەوەی ئاژاوە لەنێوان پێکهاتەکانی هەرێمەکە شەرمەزار کرد و گوتیان: "بەرامبەر هەموو جۆرەکانی خیانەت و داگیرکاری یەکدەگرین. بانگەواز لە تەواوی تەڤگەری گەنجان دەکەین لە هەموو جێیەکی کوردستان، بۆ ڕزگارکردنی کوردستان تێکۆشانی بەهێزتر بکەن".

گردبوونەوەکە بە گوتنەوەی درووشمی "بمرێ خیانەتی پەدەکە" و "نا بۆ خیانەت" کۆتایی هات.