هێزەکانی ڕزگاری عەفرین بە ڕاگەیاندراوێکی نوسراو شەهیدبوونی سەڕڤانێکی بە ناوی مەرڤان عەفرین (ئەحمەد عوسمان)ی ڕاگەیاندوو وتی: "هاوڕێمان مەروان عەفرین کە لە چوارچێوەی قۆناغی هاوڕێمان مەرڤان ئەفرین، کە لە چوارچێوەی قۆناغی دووەمی سەردەمی بەرخۆدانی عەفرین لە دژی دەوڵەتی داگیرکەری تورک و چەتە بەکرێگیراوەکانی کار و چالاکییەکانی خۆی ئەنجام دەدا، لە ١٢ حوزەیرانی ٢٠٢٤دا لە کاتی بەجێگەیاندنی ئەرکەکەیدا شەهیدبوو."

لە بەشێکی ڕاگەیاندراوەکەدا ئاماژە بە تێکۆشانی شەهید مەرڤان دەکات و دەڵێت: "هاوڕێمان مەرڤان عەفرین بنەماڵەیەکی وڵاتپارێزدا، لەگەڵ چاندی بەرخۆدان و خەباتدا گەورە بووە. بە تایبەت دوای ئەوەی بە چاوی خۆی ئازار و مەینەتی گەلەکەمانی بینی، ڕق و توڕەیی لە داگیرکەران و خۆفرۆشان و خیانەتکارانی وڵاتەکەمان هێندەی تر زیادی کرد و بەڵێنی دا کە بچێتە ناو ڕیزی هێزەکانی ڕزگاری عەفرین. هەڤاڵ مەرڤان لەو ڕۆژەوە کە پەیوەندی بە ڕیزەکانمانەوە کرد تا دوا ساتەکانی، بە هەستی تۆڵەسەندنەوە و ڕزگارییەوە خەباتێکی بێ وەستانی دەستپێکرد."

لە کۆتایی ڕاگەیاندراوەکەدا هیوای سەرساغی بۆ بنەماڵەی شەهید دەخوازرێت و دەڵێت: "وەک شەڕڤانانی هێزەکانی ڕزگاری عەفرین، لە کەسایەتی بنەماڵەی هەڤاڵ مەرڤان عەفریندا، هیوای سەرساغی بۆ هەموو گەلی وڵاتپارێزمان دەخوازین. جارێکی تر ڕایدەگەیەنین کە بە قارەمانەکانی وەک مەرڤان عەفرین، شارەکەمان لە داگیرکەران و نۆکەران ڕزگار دەکەین."

لە ڕاگەیاندراوەکەدا بەم شێوەیە ناسنامەی شەهید دانراوە:

ناسناو: مەرڤان عەفرین

ناو و پاشناو: ئەحمەد عوسمان

ناوی دایک و باوک: زەینەب- موستەفا

کات و شوێنی شەهیدبوون: هەرێمی عەفرین/ ١٢ی حوزەیرانی ٢٠٢٤.