مەسەدە لەبارەی کۆمەڵکوژی گوندی پەرەخی زاخۆ راگەیەنراوێکی بڵاوکردەوە کە بەم شێوەیەیە؛

"دوێنێ (٢٠ی تەمووز) لە تۆپبارانی دژی سەیرانگەیەکی زاخۆی باشوری کوردستان – عێراق- دا، لانیکەم ٩ هاوڵاتی مەدەنی شەهید بوون و ٢٣ هاوڵاتی مەدەنیش بریندار بوون. دەوڵەتی تورک کە گوایە دراوسێیە، خەڵکی مەدەنی بۆردومان دەکات. دەوڵەتی تورک هەمیشە گوند و شارەکان کە خەڵکی مەدەنی تێدایە دەکاتە ئامانج، هیچ ڕێزێک لە سەروەری وڵاتانی دراوسێ ناگرێت و دەستدرێژی دەکاتە سەر ئاسایشی و ئارامی هەرێمەکە، بە تایبەتی سوریا و عێراق.

ئێمە ئەم کۆمەڵکوژیە بە توندی شەرمەزار دەکەین و سەرەخۆشی لە گەل و حکومەتی عێراق دەکەین، بە تایبەتی خانەوادەی قوربانیان، پشتگیری خۆمان بۆ خانەوادەی برینداران دەردەبڕین و هیوا زووچاکبوونەوە بۆ برینداران دەخوازین.

ئێمە تەئکید لەسەر گرنگی هاوکاری هەموو هێزە سیاسیەکانی عێراق دەکەین، بە تایبەتی حکومەتی ناوەندی و حکومەتی باشوری کوردستان کە پشتگیری لە گەل بکەن کە لە سەرەتای کۆمەڵکوژیەکەدا رژانە نێو شەوامەکان و هەبوونی دەوڵەتی تورکیان لەسەر خاکی عێراق رەت کردەوە.

ئێمە داوا لە نەتەوە یەکگرتووەکان و کۆمەڵگای نێودەوڵەتی دەکەین کە پێویستە دەستوەردان بکەن، ڕێوشوێنی پێویستە بگرن و بەهۆی دەستدرێژی سەر وڵاتانی دراوسێ و بێرێزیکردن بە یاسا نێودەوڵەتیەکان، حساب لە دەوڵەتی تورک بخوازن و سنورێک بۆ جموجووڵی دڕندانەی دەوڵەتی تورک دانێن."

ف.ق