ناسنامەی 2 شەهیدی قەسەدە ئاشکرا کرا
قەسەدە لە بەیاننامەیەکی نوسراودا ناسنامەی دوو شەڕڤانی ئاشکرا کرد کە لە شەڕی دژی تیرۆر و داگیرکاری لە گوندێکی حەسەکە و ناوچەی عەین عیسا شەهید بوون.
قەسەدە لە بەیاننامەیەکی نوسراودا ناسنامەی دوو شەڕڤانی ئاشکرا کرد کە لە شەڕی دژی تیرۆر و داگیرکاری لە گوندێکی حەسەکە و ناوچەی عەین عیسا شەهید بوون.
ناوەندی ڕاگەیاندن و چاپەمەنی قەسەدە ناسنامەی 2 شەڕڤانی قەسەدەی ئاشکرا کرد کە لە 19-21ی تەمووزی 2021 شەهید بوون.
راگەیەنراوەکەی قەسەدە بەم شێوەیەیە:
"هێزەکانمان بە شێوەیەکی یەکلاکەرەوە بەردەوامن لە چاودێریکردنی شانەی تێرۆریستانی داعش لە باکوور و ڕۆژهەڵاتی سووریا هێزەکانمان بەڵێنی پاراستنی دانیشتووانی هەرێمەکە لە هێرشەکانی داعش دوپات دەکەنەوە. قوربانیدانی شەڕڤانە قارەمانەکانمان مسۆگەری سەرکەوتنە لەدژی تیرۆر و داگیرکاری و گەرەنتی پاراستنی ئاسایش و سەقامگیری لە هەرێمەکەدا.
ئەمڕۆ بە شانازییەوە ناسنامەی ئەو دوو هەڤاڵەمان ڕادەگەیەنین، کە لە کاتی بەجێهێنانی ئەرکی نەتەوەیی و ئەخلاقی خۆیان بۆ پاراستنی ناوچەکە و دانیشتوانەکەی، گەیشتونەتە ئاستی شەهیدبوون.
شەهید مەحموود کۆبانی ئەندامی پسپۆڕی یەکینەکانی دژە تیرۆر ( YAT ) ـە ، کە لە کاتی چاودێریکردنی خانەیەکی تیرۆریستی داعش لە گوندێکی ڕۆژهەڵاتی شاری حەسەنە ، گەیشتە ئاستی شەهادەت . مەحموود یەکێک بوو لەو شەڕڤانە ئازا و گیانفیداییانەی کە زیاتر لە 8 ساڵ لە ڕیزەکانی ئێمەدا کاری دەکرد و لە زۆربەی شەڕەکانی دژ بە داعش و داگیرکاری تورکیا بەشداری کرد بۆ ساتێکیش لە بەجێهێنانی ئەرکی خۆی هەنگاوی بەرەو دواوە نەنا و تا کۆتایی بۆ پاراستنی خەڵکی سیڤیل بەرخۆدانی لرد و بۆ وڵاتەکەی شەهید بوو.
هاوڕێ ڕۆنی سەرحەد لە کاتی وەڵامدانەوەی هێرشی داگیرکاریی دەوڵەتی تورکیا و چەتەکانی لە ناوچەی عەین عیسا شەهید بوو. سەرەڕای هەموو ئەو هەلومەرجە سەخت و دژوارە، ڕۆنی نموونەی بوێری و بەرخۆدان و بوێریی هێزەکانمان بوو لە شەڕی دژی تیرۆر و داگیرکاریدا.
ئێمە هێزەکانی سووریای دیموکراتی (قەسەدە) بە ئازایەتی و دڵسۆزیی هەڤاڵە شەهیدەکانمان سەربەرزین. هاوکات سەرەخۆشی لە بنەماڵەکانیان دەکەین و بەڵێنمان دووبارە دەکەینەوه، کە رێچکەی ئەوان بگرینەبەر، تا ئەو کاتەی سەرکەوتن لە دژی تیرۆر و لەناوچوونی داگیرکەران لە خاکەکەمان ئەنجام دەدریت"
ناسنامەی شەڕڤانە شەهیدەکان بەم شێوەیەیە:
ناسناو: مەحمود کۆبانێ
ناو و پاشناو: مەحمود حەمزە
ناوی باوک: نەجمەدین
ناوی دایک: خازییە
شوێن و بەرواری شەهیدبوون : گوندەکانی حەسەکە - 21 / 07 / 2021
***
ناسناو: ڕۆنی سەرحەد
ناو و پاشناو: ڕیدوان تۆت
ناوی باوک: عەلی
ناوی دایک: خەدیجە
شوێن و بەرواری شەهیدبوون : عەین عیسا - 19 / 07 / 2021
ف.ق