کۆنگرەی ستار لە چوارچێوەی چالاکییەکانی ٢٥ی تشرینی دووەم بۆ ڕۆژی جیهانی دژی توندوتیژی بەرامبەر ژنان ڕێپێوانێکی تایبەت بە پیاوانی بەڕێوە برد.

ئەندامان و بەڕێوەبەرانی ئیدارەی خۆبەڕێوەبەری و ڕێکخراوەکانی کۆمەڵگەی مەدەنی و بەسەدان کەس بەشداری ڕێپێوانە جەماوەرییەکە بوون.

ڕێپێوانەکە لە ناوەندی شارەوە بەرەو مەیدانی شەهید ڕوبار بەڕێوە چوو و لەوێ گردبوونەوە. جەواهر عوسمان بە زمانی کوردی و غوفران تەوکەب بە زمانی عەرەبی بەناوی کۆنگرەی ستارەوە وتاریان پێشکەشکرد.

جەواهر عوسمان لە وتارەکەیدا، وتەکانی ڕێبەر عەبدوڵا ئۆجالانی وەبیرهێنایەوە و ڕایگەیاند کۆمەڵگا کە پێویستی بە پیاوی ئازاد هەیە و سەرنجی بۆ توندوتیژی دژی ژنان ڕاکێشا و وتی: "دەبێت توندوتیژی ڕەت بکرێتەوە و دژی توندوتیژی تێکۆشان بەرز بکرێتەوە."

جەواهر عوسمان لە کۆتایی وتارەکەیدا وتی: "توندوتیژی بەرامبەر ڕێبەر ئاپۆ بەواتای توندوتیژییە دژی هەموو ژنانە. بۆیە بە دوژمن دەڵێین ئیتر بەسە، ئێوە ناتوانن ئیرادەمان لەناو ببەن."

هەروەها غوفران تەوکەب لە وتارەکەیدا تێکۆشانی دەورەیی ژنانی پیرۆز کرد و ئاماژەی بەوەدا کە ژنان لە هەموو شوێنێکی جیهان بۆ ئازادی لە تێکۆشاندان.

لە کۆتایی قسەکانیدا غوفران تەوکەب وتی: :بیرۆکە و فەلسەفەی ڕێبەر عەبدوڵا ئۆجالان بنەمای تێکۆشانی ئازادیی ژنانە.