رێکخراوی رۆژنامەنووسانی بێسنور رایگەیاندبوو، هێزەکانی سوریای دیموکراتیک ٣ رۆژنامەنووسیان لە باکور و رۆژهەڵاتی سوریا دەستگیرکردووە.
قەسەدە راگەیەنراوێکی لەم بارەیەوە لەسەر تویتەری تایبەتی خۆی بە زمانی ئینگلیزی بڵاوکردەوە و رایگەیاند، ئەو بانگەشانە دوورن لە راستیەوە و وتی، "ئەم جۆرە پرسانە بەرپرسیاری دەزگای داد و هێزەکانی ئاسایشی ناوخۆن و کاری ئێمە نییە."
راگەیەنراوەکەی قەسەدە بەم شێوەیەیە:
"رێکخراوی رۆژنامەنووسانی بێسنور لە راگەیەنراوێکدا کە لە ٨ی مانگدا لەسەر مالپەڕەکەی بڵاویکردووەتەوە وتی، "قەسەدە ٣ رۆژنامەنووسی لە هەرێمەکانی باکور و رۆژهەڵاتی سوریای دەستگیرکردووە.
ئێمە وەک هێزێکی سەربازی تەئکید دەکەینەوە کە قەسەدە یاساکان ناسەپێنێت و بەکارهێنانی یاساکان لەدژی کەسانی دیکە کاری ئێمە نییە.
لە باکور و رۆژهەڵاتی سوریا کاروباری یاسایی لەلایەن دەزگای داد و هێزەکانی ئاسایشی ناوخۆی سەر بە بەڕێوەبەری خۆسەرەوە بەڕێوەدەبرێت. هیچ پەیوەندیەکی هێزەکانمان بە دەستگیرکردن و گرتنەوە نییە کە رێکخراوەکە بانگەشەی بۆ دەکات."
ف.ق