سوپای تورکی داگیرکەر وچەتەکانی لە دوێنێوە تائەمرۆ هێرشەکانیان بۆ سەر دەوروبەری پردی قەرەقۆزاخی کانتۆنی فورات چڕکردووەتەوە. راگەیەندرا کە شەڕڤانای قەسەدە لەو چەتانەیان داوە و چەتەکان هەڵاتوون.

گروپێکی چەتەکان بە پشتیوانی بۆردومانی فڕۆکەی بێفڕۆکەوان هەوڵیاندا لە پردەکە بپەڕنەوە، بەڵام شەڕڤانان گورزی قورسیان لێوەشاندن.

إرۆکەیەکی سیخوڕی خرایەخوارەوە و ٢ چەتە دەستگیرکران

بە گوێرەی ئاژانسی هەواڵی فورات نیوز چەتەکانی دەوڵەتی تورک لە هەرێمی قەرەقۆزاخ بە پشتیوانی فرۆکە و تانک بەردەوامن لە هێرشەکانیان.

گروپێک لە چەتەکان هەوڵیاندا لەسەر پردی قەرەقۆزاخەوە بەرەو هەرێمی سرین بپەڕنەوە. لەبەرامبەریشدا شەڕڤانانی قەسەدە بەرپەرچیان دانەوە و پێکدادانی دژوار هاتە ئاراوە. فڕۆکەی بێفڕۆکەوانی هێرشبەری دەوڵەتی تورک ناوچەکەیان بۆردومان کرد.

تا ئێستا لە پێکدادانەکاندا ٨ جەتە کوژراون و ٢ چەتەش بە زیندوویی کەوتوونە دەست شەرڤانان. هەروەها فڕۆکەیەکی سیخوری و هێرشبەر خراوەتە خوارەوە و ٣ ئۆتۆمبێل تێکشکێندراون.