قەسەدە ناسنامەی ٣ شەهید ئاشکرا کرد
قەسەدە ناسنامەی ٣ شەڕڤانی ئاشکرا کرد کە لە وڵامدانەوەی سوپای داگیرکەری تورکدا لە گرێ سپێ و عەین عیسا شەهید بوون.
قەسەدە ناسنامەی ٣ شەڕڤانی ئاشکرا کرد کە لە وڵامدانەوەی سوپای داگیرکەری تورکدا لە گرێ سپێ و عەین عیسا شەهید بوون.
ناوەندی راگەیاندن و چاپەمەنی هێزەکانی سوریای دیموکراتیک (قەسەدە) لە راگەیەنراوێکدا ناسنامەی ٣ شەڕڤانی ئاشکرا کرد. قەسەدە سەرەخۆشی لە خانەوادەی شەهیدان کرد و بەڵێنی تۆڵەسەندنەوەیدا.
راگەیەنراوەکەی قەسەدە بەم شێوەیەیە:
"هێزەکانی دەوڵەتی داگیرکەری تورک و چەتەکان هەموو رۆژێک هێرش دەکەنە سەر باکور و رۆژهەڵاتی سوریا و هەموو جۆرە چەکێکی قەدەغەکراو و فڕۆکەی بێفڕۆکەوان بەکار دەهێنن.
سوپای داگیرکەری تورک بە تایبەت هەرێمەکانی نیشتەجێبوونی هاوڵاتیانی مەدەنی دەکاتە ئامانج و لە ئەنجامدا خەڵکی مەدەنی شەهید دەبن و زیانێکی زۆر بە ماڵ و موڵکی هاوڵاتیان دەکەوێت.
لە عەین عیسا و گرێ سپی ٣ شەڕڤانمان لەکاتی وڵامدانەوەی داگیرکەراندا شەهید بوون. هەر ٣ شەڕڤانمان بە شێوەیەکی فیدایی لەدژی دەوڵەتی داگیرکەری تورک و پاشماوەکانی داعشی تیرۆریست بە قاڕەمانی و سەرفرازی شەهید بوون.
داگیرکەری تورک، لە یەکەم رۆژەوە کە پەیمانی ئاگربەستی ئەمریکا و رووسیا واژۆکرا، پابەندی بەندەکان نەبووە، بە گەموو جۆرە چەک و مووشەکێک هەرێمەکانی ئێمەی کردە ئامانج کە رووبەری داگیرکەری فراوان بکات. ئەو ناوچانەی کردە ناوچەی ئەمن و ئارام بۆ چەتەکان و بە تایبەتی سەرچەتەکانی داعشی تیرۆریست.
بەرپرسیاری گەورەی هێرشەکانی دەوڵەتی داگیرکەری تورک لەدژی هەرێمەکانمان، دەکەوێت سەر شانی دەوڵەتە گارانتۆرەکانی ئاگربەستەکە.
ئێمە سەرەخۆشی لە خانەوادەی شەهیدان و هەموو گەلان دەکەین و بەڵێنی تۆڵە و بەردەوامیدان بە رێگەی شەهیدان و رزگاری هەرێمە داگیرکراوەکان دەدەین.
ناسنامەی شەهیدەکانمان بەم شێوەیەیە:
***
ناوی ڕێکخستن؛ سەردار
ناو و پاشناو: سەردار جومعە حەرجۆ
ناوی دایک: ئەمۆنە
ناوی باوک: جومعە
شوێن و مێژووی لەدایکبوون: جەرابلوس ٢٠٠٤
شوێن و مێژووی شەهیدبوون: گرێ سپی – ٢٥ی تەمووزی ٢٠٢٢
***
ناوی ڕێکخستن؛ قورشین
ناو و پاشناو: محەمەد شاکر حەمێ
ناوی دایک: گولێ
ناوی باوک: شاکر
شوێن و مێژووی لەدایکبوون: کۆبانێ ١٩٩٤
شوێن و مێژووی شەهیدبوون: گرێ سپی – ٢٥ی تەمووزی ٢٠٢٢
***
ناوی ڕێکخستن؛ حەمەد
ناو و پاشناو: حەمەد خالد ئەلئیلاج
ناوی دایک: ئەمینە
ناوی باوک: خالد
شوێن و مێژووی لەدایکبوون: رەقا - ٢٠٠٤
شوێن و مێژووی شەهیدبوون: عەین عیسا – ٢٧ی تەمووزی ٢٠٢٢"
ف.ق