لە ٢٢ی تەمووزدا فڕۆکەیەکی بێفڕۆکەوانی دەوڵەتی داگیرکەری تورک لەسەر رێگەی قامشلۆ ئۆتۆمبێڵێکی بۆردومان کرد. فەرماندەیی گشتی هێزەکانی سوریای دیموکرات لەبارەی هێرشەکە راگەیەنراوێکی بڵاوکردەوە و ناسنامەی ٣ ئەندامی راگەیاند کە لە هێرشەکەدا شەهید بوون.
لە راگەیەنراوەکەی قەسەدەدا هاتووە، " دەوڵەتی داگیرکەری تورک و چەتەکانی کە دەیانەوێت تێکۆشانی ئازادی و شۆڕشمان لەناوببەن، هەموو رۆژێک هێرش دەکات و بە پیلانگێڕی لەناوبردن و تێکشکاندن لەسەر خاکەکەمان، دەیەوێت گەلەکەمان لەناوببات، سیستمی نەتەوەی دیموکراتی کە بە باجێکی زۆر بەدەستهاتووە دەکاتە ئامانج. دەوڵەتی داگیرکەری تورک و چەتەکان، شۆڕشی رۆژئاوا و دەستکەوتەکان کە بە رەنج و پێشەنگایەتی ژنانی شۆڕشگێر بەدەستهاتووە، دەکاتە ئامانج. لە هێڕشەکاندا بە ئەندازەی دەوڵەتی تورک هێزەکانی هاوپەیمانانیش بەرپرسیارن. ئێمە لە بەرانبەر هەڕەشە و هێرشەکان بێدەنگ نامێنین. وڵامی ئێمە بح هێرشەکان دەبێتە هۆی تێکشکاندنی داگیرکەر و مسۆگەرکردنی ئازادی رۆژئاوا و باکور و رۆژهەڵاتی سوریا."
بەڵێنی تۆڵەسەندنەوە
قەسەدە رایگەیاند کە ٢٢ی تەمووز دەوڵەتی داگیرکەری تورک و چەتەکان لەسەر رێگەی قامشلۆ لە رێگەی فڕۆکەیەکی بێفڕۆکەوان هێرشی کرد و وتی، " لە ئەنجامی هێرشەکەدا ژیان تۆڵهەڵدان فەرماندەی هێزەکانی دژە تیرۆری ژنانی قەسەدە، فەرمادە رۆژ خابوور و بارین بۆتان ئەندامی یات شەهید بوون. ئێمە بە هەموو پێکهاتەکانی باکور و ڕۆژهەڵاتی سوریام هەموو گەلی کورد و هێزەکانی قەسەدە سەرەخۆشی خۆمان رادەگەیەنین و بەڵێن دووبارە دەکەینەوە کە تۆڵە دەکەینەوە. داگیرکەری لەناودەبەین و بەڵێنی فراوانکردنی شۆڕش دەدەین.
ژیان تۆڵهەڵدان فەرماندەی یات بە ناسناو (سەلوا یوسف) بۆ رێکخستنی گەل بۆ شۆڕش، لە سەرەتای شۆڕشێ رۆژئاوا و تاوەکو بنیاتنانی و سوپابوونی یەپەژە و فەرماندەیی یات، لە هەموو رووەکانی شۆڕشدا بووەتە خاوەن رەنجێکی گەورە. لە هەموو گۆڕەپانەکانی رۆژئاوا بە هێز و بوێریەکی گەورەوە بۆ بنیاتنانی نەتەوەی دیموکراتی و ئازادی ژن لە هەموو کاروبارەکانی شۆڕشدا خەباتی کرد و ئەم شۆڕشە بە رەنجێی ئەم فەرماندانە گەورە بوو. شەڕی بەرانبەر چەتەکانی داعش لەگەڵ هێزەکانی هاوپەیمانان لە هەنگاوی رزگارکرندا جێی خۆی گرت و پێشەنگایەتی کرد.
فەرماندە یەپەژە رۆژ خابوور بە ناسناو (جوانا حەسۆ) کە خەڵکی دربێسیە، بە دەنگی شۆڕشی رۆژئاوا کە هەموو جیهانی هەژاند، هێز و جۆش و خڕۆشی گەورەی بەخشی و بەم شێوەیە بەشداری لە شۆڕشدا کرد. بە بیر و باوەڕیەکی گەورەی ژیانی ئازادی تێدەکۆشێت و هێزی ژنی قارەمانی بە ئیرادە لە سەنگەرەکاندا پیشاندا. شەڕی بەرانبەر چەتەکانی داعش لەگەڵ هاوپەیمانان لە هەنگاوەکانی رزگارکردندا جێی خۆی گرت و پێشەنگایەتی کرد.
هاوڕێ و ئەندامی یات بارین بۆتان بە ناسناو 'روحا بەشار' کە خەڵکی عەفرینە، لەناو خانەوادەیەکی وڵاتپارێزدا گەورە بوو. لە تەمەنی گەنجێتی خۆیدا بە هیوای ژیانی ئازاد بەشداری لە ریزەکانی شۆڕشدا کرد و بە جۆش و خڕۆشی شۆڕش لەنێو ریزەکانی ئازادیدا جێی خۆی گرت. هەموو کاتێک بەدوای ئازادیدا گەڕا و لە بەرانبەر هەموو هێزێکی دەسەڵاتدار بە بڕیارێکی گەورەوە تێکۆشانی کرد.
ئێمە وەک قەسەدە سەرەخۆشی لە خانەوادەت فەرماندە ژیان، رۆژ و هەڤاڵمان بارین دەکەین. جارێکی دیکە دەڵێین کە تۆڵەی شەهیدان بەڵێنی تێکۆشانە و تۆڵەی فەرماندە و هاوڕێکانمان دەکەینەوە لە دوژمنی ژنانی شۆڕشگێر و دوژمنانی ئازادی. هەروەک چۆن کە فەرماندە ژیان، فەرماندە رۆژ و هاوڕێ بارین بۆ دوارۆژێکی ئازادی رۆژئاوا و باکور و رۆژهەڵاتی سوریا تێکۆشانیان کرد، رەنجیاندا، خەباتیان بەڕێوەبرد، ئێمە لەو هێزەی کە لە تێکۆشانیان وەردەگرین، هیچ هەڕەشە و هێرشی داگیرکەر بۆ سەر گەل، خاک و شۆڕشەکەمان قبوڵ ناکەین. تاوەکو سەردەکەوین لە بەرانبەر هێرشەکان بەرخۆدان دەکەین و تۆڵەی شەهیدەکانمان دەکەینەوە.
ناسنامەی هاوڕێ شەهیدەکانمان بەم شێوەیەیە:
ناسناو: ژیان تۆڵهەڵدان
ناو و پاشناو: سەلوا یوسف
ناوی دایک: ئاسیا
ناوی باوک: حسێن
شوێنی لەدایکبوون: عەفرین - ١٩٨٠
شوێن و مێژووی شەهیدبوون: قامشلۆ – ٢٢ /٠٧/٢٠٢٢
***
ناسناو: رۆژ خابوور
ناو و پاشناو: جوانا حەسۆ
ناوی دایک: شەمس
ناوی باوک: حەسەن
شوێنی لەدایکبوون: دربێسی - ١٩٩٢
شوێن و مێژووی شەهیدبوون: قامشلۆ – ٢٢ /٠٧/٢٠٢٢
***
ناسناو: بارین بۆتان
ناو و پاشناو: روحا بەشار
ناوی دایک: قەدریە
ناوی باوک: مەروان
شوێنی لەدایکبوون: شەهبا – ٢٠٠٣
شوێن و مێژووی شەهیدبوون: قامشلۆ – ٢٢ /٠٧/٢٠٢٢
ف.ق