خەلیل محەمەد نەعسان لە درێژەی قسەکانی گوتی، ئەوەی سەرنجی ڕاکێشام ئەوەیە، کاتێک چووینە سەردانی ڕێبەر عەبدوڵا ئۆجالان، کچێکی گەنجمان لەگەڵدا بوو، وەختێک ڕێبەر هۆکاری هاتنی لێ پرسی، لە وەڵامدا گوتی: خاوەنی دایک و باوکێکی پیرم و ناتوانن ژیانی خۆیان بەڕێوەببەن، ئەوکات ڕێبەر پێی گوت: بگەڕێوە بۆ ماڵەوە، بەم هاتنەت وا بزانە کوردستانت ئازاد کردووە.
هەروەها خەلیل محەمەد گوتی: «بەبۆنەی هاتنی ٤ نیسان، ساڵڕۆژی لەدایکبوونی ڕێبەر عەبدوڵا ئۆجالانەوە، پیرۆزبایی لە ڕێبەر و تەواوی گەلی کورد و مرۆڤایەتی دەکەین، ئەم یادە لە مەزنترین دەرگاوە چۆتە نێو مێژووی مرۆڤایەتییەوە. ئەمڕۆ لە ٧٤ ـەمین ساڵڕۆژی لەدایکبوونییدا دەژین، بە ژیانێک پڕ لە بەهای نیشتیمانیی ڕاستەقینە و میراتێکی شۆڕشگێڕی پڕ لە دادپەروەریی و یەکسانی پەیوەست بە پرسە چارەنووسسازەکانی گەلانی ناوچەکە و مرۆڤایەتی، ڕێبەر عەبدوڵا ئۆجالان ٢٥ ساڵە بەدیلگیراوە، لە دژواترین هەلومەرجی نێو زیندانی دوورگەی ئیمڕاڵییدا دەژی. دەوڵەتی فاشیستی تورکیا ڕێکاری توند و نایاسایی دژی گرتۆتەبەر لەڕێگەی سیاسەتی گۆشەگیرکردنەوە. سەرپێچی هەموو ئەو یاساییانە دەکات کە ڕێگە بە پارێزەران و خانەوادەکەی دەدەن تا سەردانی بکەن و چاوپێکەوتنی یاسایی لەگەڵدا ببەستن.
بەڵام ڕێبەر ئۆجالان دوورگەی ئیمڕاڵی گۆڕی بۆ سەرچاوەیەکی هاوچەرخ و کەلتووری بەرەنگاری و داهێنان، لەسەر بناغەی فەلسەفەی ژیانی ئازاد، بەم پێیەش، وەرچەرخانێکی مەزن و کاریگەری بەدیهێنا بۆ چارەسەرکردنی هەموو ئەو کێشە و قەیران و ململانێیانەی ڕووبەڕووی پێکهاتەکانی ناوچەکە دەبنەوە، لەڕێگەی پرۆژەی نەتەوەی دیموکراتیکەوە.»
ئاماژەی بەوە کرد: «ڕێبەر عەبدوڵا ئۆجالان بەدرێژایی ژیانی تێکۆشانێکی مەزنی سەرپێخست لەپێناو مرۆڤایەتی و گەلان، نەوەک تەنها بۆ گەلی کورد، بەڵکو لەپێناو هەموو گەلانی ناوچەکە و جیهان تێکۆشاوە و بەهای مەزنی داڕشتووە. ڕێبەر لەڕێگەی فەلسەفەی نەتەوەی دیموکراتیکەوە بانگەوازدەکات بۆ ژیانی هاوبەش و برایەتی گەلان. بەهۆی مەزنێتی و هێز و هزری ئەم ڕێبەرەوە، دەوڵەتی داگیرکەری تورکیا گەمارۆ و گۆشەگیرییەکی سەختی بەسەردا سەپاندووە، ئەو ڕێبەرەی هەموو قۆناغەکانی ژیانی تەرخانکرد بۆ ڕزگارکردنی گەلەکەی و بیناکردنی ژیانێکی دیموکراتی، لەپێناو ئازادکردنی ژنان لە ستەم و کۆیلایەتی».
لە کۆتایی قسەکانییدا خەلیل محەمەد نەعسان گوتی: «ئازادیی ڕێبەر، ئازادیی ئێمەیە. لە هەموو بارودۆخێکدا تا سەرکەوتن درێژە بە خەبات دەدەین. لەسەر ئەم بنەمایە، پیرۆزبایی ئەم یادە لە ڕێبەر و گەلی کورد و بەتایبەت ژنان دەکەین. بانگەوازدەکەین بۆ دەستگرتن بە فێرکاریی و بۆچوونەکانی ڕێبەر ئۆجالانەوە، لەڕێگەی بەهێزکردنی ڕێکخستن و یەکێتیی ڕیزەکانەوە، هەروەها کارکردن بۆ بیناکردنی دامەزراوە جڤاتییەکان و پاراستنی دەسکەوتەکانی شۆڕش. بەم کارە، دەتوانین شکست بە پیلانگێڕیی بهێنین. هەموو ساڵێک لە خۆشیدا بن ئەی ڕێبەری مرۆڤایەتی.»