دانیشتووانی هەردوو گەڕەکی شێخ مەقسود و ئەشرەفیە لە شاری حەلەب، پەنایان بردە بەر کەرەستە سەرەتاییەکان بۆ ڕووناککردنەوە، بەهۆی کەمبوونەوەی کاتژمێری مۆلیدەکان لە بەرئەنجامی گەمارۆی هێزەکانی حکومەتی دیمەشق بۆ سەر هەردوو گەڕەک.
تاریکییەکی سەخت باڵیکێشاوە بەسەر هەردوو گەڕەکی شێخ مەقسود و ئەشرەفیە لە شاری حەلەب، بەهۆی کێشەی کارەبا و کەمبوونەوەی کاری مۆلیدەکانی هەردوو گەڕەک بۆ دوو کاتژمێر، لەبەر نەبوونی سوتەمەنی، لەگەڵ بەردەوامیی گەمارۆی حکومەتی دیمەشق و ڕێگریکردنی لە هاتنەناوەی سوتەمەنی بۆ نێو دوو گەڕەکەکە.
لە بەرئەنجامی گەمارۆی حکومەتی دیمەشق بۆ سەر هەرێمەکە، دوێنێ شارەوانی گەل ڕاگەیاندراوێکی بڵاوکردەوە، «کاری مۆلیدە ئەهلییەکان کەمبۆتەوە بۆ دوو کاتژمێر لەبری ٥ کاتژمێر بۆ هەر ڕۆژێک».
لە بەرئەنجامی گەمارۆی هێزەکانی حکومەتی دیمەشق بۆ سەر دوو گەڕەکەکە، خەڵک پەنایان بردە بەر کەرەستە سەرەتاییەکان بۆ ڕووناککردنەوە.
ف.ق
