ڕیشسپیەکانی هۆزەکانی رەقا، جەژنی نەورۆزیان لە هەموو گەلانی باکور و ڕۆژهەڵاتی سوریا پیرۆز کرد و ئاماژەیان بە برایەتی گەلان و یەکگرتن کرد و وتیان، " داواکاری سەرەکیمان ئەوەیە کە عەبدوڵلا ئۆجالان ڕێبەری گەلی کورد لەگەڵ ئێمە بەشداری لە نەورۆزی ٢٠٢٣دا بکات."

لە رەقا بە دروشمی ' بە ئیرادەی گەلان نەورۆزی ٢٠٢٢ دەکەینە نەورۆزی ئازادی جەستەیی ڕێبەر ئۆجالان' بە بەشداری دانیشتوانی رەقا و دێرەزۆر ئاهەنگی نەورۆز ئەنجامدرا.

ڕیشسپی هۆزی ئەلسەبخا محەمەد ترکی ئەلسو بۆ ئاژانسی هەواڵی فورات (ANF) قسەی کرد و وتی، " ئێمە جەژنی نەورۆز لە هەموو گەلانی هەرێمەکە کە خاوەنداری لە هزر و رامانی ڕێبەر ئاپۆ و برایەتی گەلان و پێکەوەژیانی ئازاد دەکەن، پیرۆز دەکەین. هیوا و داواکاری سەرەکی ئێمە ئەوەیە کە ڕێبەری گەلی کورد ئازاد ببێت و لەگەڵ ئێمەدا بەشداری لە نەورۆزی ٢٠٢٣دا بکات."

محەمەد ئەلسو وتی، " ئێمەی هۆزەکانی عەرەب لە هەرێمەکانی باکور و ڕۆژهەڵاتی سوریا یەکێتی خۆمان لەگەڵ گەلی کورد دووپات دەکەینەوە و پێکەوەژیانی ئازاد و برایەتی گەلان هەموو کاتێک بناغەی ژیانمان دەبێت. جارێکی دیکە نەورۆز لە هەموو گەلانی ژێردەستە و ئازادیخواز پیرۆز دەکەم."

شێخ مستەفا ئەلعەبدی ڕیشسپی هۆزی ئەلغانم ئەلزاهیریش وتی، " جەژنی نەورۆز یەکگرتن و برایەتی گەلانی هەرێمەکە پێکەوەییمان فێر دەکات، لەبەرئەوەی لەم جەژنەدا هەموو پێکهاتەکانی هەرێمەکە کۆدەبنەوە و پێکەوە بەشداری ئاهەنگەکان دەبن."

مستەفا ئەلعەبدی بەم شێوەیە کۆتایی بە قسەکانی هێنا، " زۆر ڕیشسپی عەرەب بەشداریان لە ئاهەنگەکاندا کردووە ە ئێمە یەک گەلین، چارەنوسمان یەکە و بۆچوونمان یەکە لەبارەی پیلانگێڕی قێزەون."

ف.ق