زارۊڵۍ گەشمەرڎا جە هەرێمو شەهبای و عەفرینی پۍ ڕۊبیەو "عەبدوڵلا ئۆجالان"ی رابەرو گەلوو کورڎی ڕاپیمایشا ئەنجامدا.

ڕاپیماکەی جە مەیڎانو مەنتیقەو ئەحرەسی شەهبای دەسش پنەکەرڎ  و حەتا زیارەتگاو گەشمەرڎا مدرامانو سەردەمی ۋەردەوام بۍ.

جە زیارەتگاکەنە ئەرەیاۋنېۋە ۋەڵاکریاۋە. بەنامۍ زارۊڵا رندۍ دەدەی بە زوۋانی کورڎی و سەمبۆلا جمۊ بە زوۋانی عەرەبی ئەرەیاۋنێۋەشا ۋەناۋە.

زارۊڵۍ گەشمەرڎا ئەرەیاۋناشا، ڕۊبیەو"عەبدوڵلا ئۆجالان"ی رابەرو گەلوو کورڎی جە گرڎو گەلوو کورڎسانی و مرۆڤایەتی پیرۊز بۊ.

حەرپاسە چڕیەیشا پۍ بەرزکەرڎەیۊ و فراوانکەرڎەی ئەرەکۊشای و چالاکیەکۍ پۍ ئازاڎیی جەستەیی "عەبدوڵلا ئۆجالان"ی رابەرو گەلوو کورڎی کەرڎ.

جە دما دماینە ۋەرودەمو گرڎ قەبرێۋەنە گوڵێۋە نریارە.

ھ.ش