چالاکییەکە لە بەردەم بینای کارگەى ئاندریدز هدیرۆ رێکخرا. ئەو کارگەیە لە ناوچەى کرینێس لە کانتۆنی لوزێرن دایە و بۆ بەنداوی ئیلی سو تۆرباین و کەلوپەلی پەیوەندیدار بە کاری تۆرباینەکانەوە دابینکردووە.

چالاکوانانى ژینگەپارێز لە کاتی چالاکییەکەیاندا بە زمانى ئەڵمانی راگەیاندراویان بڵاوکردەوە و چەندینجار دروشمەکانى "نەبنە هاوکاری پاکتاوکردنى رۆشنبیری"، "نا بۆ کۆمەڵکوژیى سروشت"، "کۆتایى بە هاوکاریکردنى تورکیا بهێنن" وترانەوە.

چالاکییەکە نزیکەى ٢ کاتژمێر بەردەوامبوو و بە ناوی کۆمەڵگەى دیموکراتیکى کورد لە لوزێرن (جەدەکە - CDK) پەیامێکى خوێندرایەوە و تیایدا هاتبوو "هێشتا بۆ پاراستنى حەسکێف درەنگ نییە. دەوڵەتى سویسرا لە رێگەى کارگەکانییەوە بووەتە هاوبەشی تاوان. دەبێت دەستبەجی ئەو پرۆژەیە راوەستێنرێت".

ژ.ت