ناوەندی ڕاگەیاندنی قەسەدە ڕاگەیاندراوێکی بڵاوکردەوە و دەڵێت: " شەڕڤانێکمان بە ناوی شڤان (سامر عوگلە ئیبراهیم) پاش ساڵانێکی دووردرێژ لە بەرخۆدان و تێکۆشان لە ڕیزی هێزەکانماندا، لەسەر ئەرکەکەی لە بەرەی تروازی، لە هێرشێکی نامەردانە و ترسنۆکانەی فڕۆکەیەکی بێ فڕۆکەوانی دەوڵەتی داگیرکەری تورکدا شەهیدبوو".

قەسەدە ڕایدەگەیەنێت شەهید شڤان لە بنەماڵەیەکی وڵاتپارێز لەدایکبووە، برایەکی لە بەرخۆدانی پاراستنی بەنداوی تشرین شەهیدبووە، وە هەمیشە باوەڕی وابووە قوربانیدان و بەرخۆدان سەرکەوتن دەهێنێت، بەو ئەزموونەی لە پەروەردەوە بەدەستی هێناوە، بووەتە شەڕڤانێکی قارەمانی چاونەترس. نموونەی شەڕڤانێکی دیسپلین بوو کە هەمیشە پابەندی ڕێنماییەکان بووە و بەگوێرەی تاکتیکی شەڕی مۆدێرن شەڕی کردووە.

قەسەدە سەرەخۆشی لە بنەماڵەی شەهید شڤان و تەواوی شەهیدان دەکات، جەخت دەکاتەوە شەهیدبوونی هەر شەڕڤانێک پێداگرییان لەسەر بەرخۆدان و تێکۆشانی شۆڕشگێڕیی زیاتر دەکات. بەڵێن دەدات بە بەدیهێنانی خەونی شەهیدان.

ناسنامەی شەهید بەم جۆرەیە:

ناسناو: شڤان

ناو و پاشناو: سامر ئیبراهیم

ناوی دایک: هودا

ناوی باوک: عوگلە

شوێنی لەدایکبوون: عەریشە

شوێن و کاتی شەهیدبوون: تروازیە، ١٩ ی نیسانی ٢٠٢٥.