سکرتێری گرڎینوو جەمەو توێژینەوەی و ۋەنایۆ کولتوری میسری، رۆشنۋیر و مامۆساو بەشوو تاریخی پرۆفیسۆر سەمیر فازڵ سەبارەت بە گرنگی فەلسەفەو رابەروو گەلوو کوردی عەبدوڵا ئۆجالانی قسېش پەی ئاژانسوو هەواڵوو فوراتی کەردۍ و باسش چانەیە کەرد کە فەلسەفە و ئەرەکۊشای ئۆجالانی کاریگەریش سەرو جەهانی عەرەبی و دەورەبەرەکەیش کەردەن.

ویرمەند و مامۆساو بەشوو تاریخی میسری سەمیر فازڵ واتش، کە گرڎ چالاکوانێوە عال مزانۆ کە مشۊم خاوەنداری جە ئەرەکۊشای ۋێش بکەرۆ و واتش، "ۋەرووئانەی گەلوو کوردی جە تاریخەنە نەسڕیاوە، دەوڵەتوو تورکی گۆشەگیری سەرو عەبدوڵا ئۆجالانی جابەجێ مکەرۆ. ئا گۆشەگیرییە بەرش وزۆ کە دەوڵەتوو تورکی دەوڵەتێوە چڼە ئەرەگیرا. مشۊم گرڎوو گەلا شکۆمەنڎو جەهانی پەی رابەر ئۆجالانی ئەرکەکاو سەرو شاناشا جابەجۍ بکەرا".

سەمیر فازل ئانەیچش وست ڕووە کە گۆشەگیری چڕوو سەرو عەبدوڵا ئۆجالانی پەی تەرسەو دەوڵەتو تورکی جە ئەندێشەکاو رابەروو گەلوو کوردی مگېڵۊوە و باسش چانەیە کەرد، "تورکیا بە گرڎوو کۊششەکاشۆ گەرەکشا گەلا ئازاڎیی بوزۊنە چېرو پەیاشۆ و ئاڎیشا جە ئشناسنامەیشا دوورۍ بوزاوە. مشۊم گەلا ئازاڎیوازوو جەهانی و گرڎوو گەلا شکۆمەنڎی چەمېشا ئاستوو کردەوەکا تورکیاینە نەقوجنا. ۋەروو ئانەی ئا کردەوۍ جە کەسایەتی رابەر ئۆجالانینە تەنیا ۋەرا ۋەر بە گەلوو کوردی ئەنجام مەڎریا، جە دژوو گرڎوو گەلاو هەرێمەکەی و سوریایچ مکریا. هەڵبەتە کوردەکۍ ئەرەکۊشایۍ کاریگەریچشا هەن. کورد جە دژوو ئا کردەوا ئەرەکۊشایۍ بەقوەت ڕاوەبەر مکەرۆ".

سەمیر فازل باسش جە زیڼانیا سیاسی جە تورکیا و سەرنیشتوو کورڎەسانینە کەرد و واتش، "ئا قارەمانۍ زیڼانی مکریا، تەنیا جە روو جەسڎەییوە زیڼانی کریېنۍ. پەی نمونەی حەرچنڎە کەسانێوە پېسە رابەر ئۆجالانئ بە جەستەیچ زیڼانیۍ با، بەڵام ئەندێشەکېش گرڎ وەختۍ بە جیهانەرە وەڵۍ باوە.

پېسە چنی رژێمی نەژاڎپەرسوو ئەفریقای پانیشتی نەتاواش ۋېش ۋەرا ۋەر بە ئەرەکۊشای نێلسۆن ماندێلای رابگېرۆ، دەوڵەتو تورکیچ بە هەمان شێوە جە ۋەرا ۋەروو مدرامان و ئەرەکۊشای رابەر ئاپۆینە شکس مارۆ. ئەندێشەکاو رابەروو گەلوو کوردی عەبدوڵا ئۆجالانی نەک هەر تەنیا پەی گەلوو کوردی بەڵکوم پەی گرڎوو گەلاو جەهانی بیەن بە هیواو رزگاری".