ئا چالاکێ ژنێڤنە چالاکیی ئەرەنیشتەی مکەرا، واوەی بانگەوازشا وەنەو ڕێکوزیا میاننەتەوەییەکا کەرد، پەی ئازادیی ڕابەروو گەلوو کوردی عەبدوڵا ئۆجالانی وەرپەرسیی وێشا بیاونا یاگێ و دەسملەرەگێرتەی شارەوانیی جولەمێرگیشا شەرمەزار کەرد.
چالاکیی نیشتەیرەی پەی ورگێرتەی گۆشەگیریی ئیمراڵی و ئازادیی ڕابەروو گەلوو کوردی عەبدوڵا ئۆجالانی گرد چوارشەممێوی شاروو ژنێڤوو سویسراینە مکریۆ.
چالاکییەکە ٢٥و کانوونوو دووەموو ٢٠٢١ یـوە وەردەمو نویسگەو نەتەوە یۆگێرتەکانە مکریۆ، ئی حەفتە چالاکێ وەردەموو نویسگەو کۆمیسیاراو باڵاو نەتەوە یۆگێرتەکانە پەی مافوو ئینسنای درێژەشا بە چالاکییەکەیشا دا.
دماو دەیەقێوە ڕێزگێرتەی وەنەو یادوو گەشمەرداو ئازادیی کوردستانی ئەرەیاونایەکە ونایوە.
بە نامێ کۆمیتەو چالاکییەکەیوە ڕەمەزان کزلکورت قسێش کەردێ و تیشکەش وستە سەروو گۆشەگیریی درێژخواینوو ڕابەروو گەلوو کوردی عەبدوڵا ئۆجالانی و واتش گەلوو کوردی حەرگیز قبووڵش نمەکەران. واتش: "واوەی وەردەموو نویسگەو کۆمیسیاراو باڵاو نەتەوە یۆگێرتەکانە پەی مافوو ئینسانی داوا وەنەو ڕێکوزیا میاننەتەوەییەکا و بەتایبەت کۆمیتەو ڕاگێری وەنەو ئەشکەنجەی (سی پی تی) و کۆنسەو ئەورووپای و نەتەوە یۆگێرتەکا مکەرمێ، وەرپەرسێ با".
بە نامێ ناوەندوو جڤاکی کوردی دیموکراتیکوو ژنێڤیوە حەسەن ئینجی واتش، مەڵامەتوو گۆشەگیری ئانەنە، ڕابەروو گەلوو کوردی عەبدوڵا ئۆجالان دژوو مۆدێرنیتەی سەرمایەدارییا، مۆدێرنیتەو ژیوای ئازادیش پێشکەشوو گەلا کەرد، پەوکای هجوومی هەمەلایەنە دژوو گەلوو کوردی مکریۆ.
حەسەن تیشکەش وستە سەروو دەسملەرەگێرتەی شارەوانیی جولەمێرگی و واتش واوەی ڕاو نیایرەی قەیومیوە ئیرادەو گەلوو کوردی کریان ئامانج، واتش: "وەراوەروو ئی سیاسەتاوە چندین جارێ تەرێ تاقیێ کریێنێوە، گەلوو کوردی ئارۆ بە ڕۆحوو مدرامانی بێوێنەو وانیوە جولەمێرگەنە مدرامان مکەرۆ و خاوەنداری جە ئیرادەیش مکەرۆ ".
دمای چالاکیی نیشتەیرەی بە بەرزکەرەیوە درووشمەکا دەسش پەنە کەرد.
