ئەرەیاونایەکەو ناوەندوو ئەرەیاونای و چاپەمەنیی هەپەگەینە وچیا، کە مەیدانوو مدرامانوو کەشوو ئۆرتێ-نە هەرێموو مەتیناینە، گورزشا وەنەو ئەرەگیرکەرا شانان وستێنێسا چێروو تەوقێوە و بەهەماهەنگی هجوومشا کریان سەر. بە پاو ئەرەیاونایەکەی، لە قۆڵوو یوەم و دووەموو چالاکییەکەیوە گورزی کاریگەر وەنەو حەشارگەکاو دوژمنی دریان و ئەنجاموو چالاکییەکەیچەنە شش ئەرەگیرکەرێ سزا دریێنێ.

ئەرەیاونایەکەو ناوەندوو چاپەمەنی و ئەرەیاونای هەپەگەی ئینەنە:  

"هەرێموو مەتیناینە؛

١٢و حوزەیرانی سەعات  ١٨:٣٠ مەیدانوو مدرامانوو کەشوو ئۆرتێنە ‌هێزەکێما دژوو ئەرەگیرکەرا چالاکیێوی هەماهەنگییشا کەرد. قۆڵی یوەموو چالاکییەکەینە هێزەکێما بە چەکی تاکەکەسی و نیو ئۆتۆماتیک گورزشا وەنەو حەشارگێوی چەکی ئەی٤ یرە دا، ئەنجاموو چالاکییەکەینە دووێ ئەرەگیرکەرێ حەشارگەکەی سزادریێ و بەتەمامی حەشارگەکە و چەکە ئەی٤ەکەیچ دلێنە بریێ. هاموەخت هێزەکێما گورزشا وەنەو حەشارگێوی تەروو ئەرەگیرکەرا شانا و ئەنجامەنە دووێ ئەرەگیرێ سزادریێ و چەکێوی نارنجۆکشان و حەشارگەکە بەتەمامی تێکێ دریێ. قۆڵی دووەموو چالاکییەکەینە هێزەکێما هجوومشا کەرد سەروو حەشارگێوی دوژمنی و گورزی کوشندەشا وەنەو ئەرەگیرکەراو  حەشارگەکەی شانا، ئەنجامەنە دووێ ئەرەگیرکەرێ سزادریێ و حەشارگەکەیچ بەتەمامی تێک دریا.

بەگردیوە ئەنجاموو چالاکییەکەینە شش ئەرەگیرکەرێ سزادریێ، چەکێوی ئەی٤، چەکێوی نارنجۆکشان و ٣ حەشارگێ ئەرەگیرکەرا بەتەمامی تێکێ دریێ.

هجوومەکاو سوپای ئەرەگیرکەرەو تورکی؛

١٣ و ١٤و حوزەیرانینە  مەیدانوو سنینوو هەرێموو خواکورکینە جارێو، مەیدانەکاو گوزیی، دەرەو هەشێ هەرێموو گارەی یەرێ جارێ، مەیدانوو کانی بیی هەرێموو حەفتانینی دووێ جاری، مەیدانوو مدرامانوو سەروو مەتینای هەرێموو مەتینای جارێو؛ بە گردیوە چا هەرێمانە حەوت جارێ فڕۆکەکاو دوژمنی بۆردومانێ کەردێ."