ڕێکوستەیەکاو پارتی دیموکراتیکوو هەرێمەکا (دەبەپە) و پارتوو یەکسانی و دیموکراسیی گەلا (دەم پارتی)  وانەنە پێوەس بە جەمۆبییەی جولەمێرگی بە درووشموو "شارەوانی گەلنێ، ڕا بە دەسملەرەگێرتەی نمەدەیمێ"، ئەرەیاونایشا وەناوە.

هامسەرۆکوو دەبەپەو وانی، هارون ئۆکای واتش دەسملەرەگێرتەی ستەم و تاڵانکارییا، بانگەوازش وەنەو خەڵکی کەرد، بەشدارێ بانێ جەمۆبییەیە گەورەکەو جولەمێرگینە.

پەرلەمانتاروو دەم پارتی زوڵکوف ئوچار واتش دژوو دەسملەرەگێرتەی گەلوو کوردی خاوەنداری وەنەو ئیرادەیش مکەرۆ، واتش: "ڕۆو پەنج شەممەی ملمێ جولەمێرگ، بانگەواز جە تەماموو گەلەکەیما و سەندیکا و ڕێکوزیا جڤاکییە دیموکراتیکەکا مکەرمێ، بەشدارێ با".

ئوچار واتش سەدان ساڵێن زوان و چاند و شناسنامە و بییەی گەلوو کوردی حسابش پەی نمەکریۆ، ئیساتێچ دەس ملوو مافوو هورچنیەیمارە مگێرا.

ئەرەیاونایەکە بە چەپڵێ و درووشمێ دماییش ئاما.