ئەنداماو ڕێکوزیاکەی جە لایەنوو هامسەرۆکوو ئەنجومەنوو گلېرگەی ئەرمەنیوە، کۆهار خەجەدوریان و ۋەرپەرسوو پەروەردەی و ڕێکوستەی ئەنجومەنوو گلېرگەو ئەرمەنی، هەنا سۆمیۍ پێشوازیشا ۋنەکریا.

جە سەرداکەینە کە جە چوارچێوەو هەڵمەتەو "ئازاڎیی پەی عەبدوڵا ئۆجالانی چارەسەری سیاسی پەی پرسوو کوردی"نە ملۊڕاوە، هامسەرۆکوو ئەنجومەنوو گلېرگەی ئەرمەنی، کۆهار خەجەدوریان قسێش کەردۍ و ئاماژەش بە گۆشەگیری ئیمراڵی کەرد و واتش: "سەپنای گۆشەگیریێوە سەختی پی جۊرەیە جە دژوو ڕابەر عەبدوڵا ئۆجالانی، ئانەی بەر وزۆ کە ڕابەر عەبدوڵا ئۆجالان چ کەسایەتیێوە گەورە و کاریگەرش هەن."

هەر جە درێژەو قسەکاشەنە هامسەرۆکوو ئەنجومەنوو گلېرگەو ئەرمەنی، کۆهار خەجەدوریان باسش جە گرنگی فکرەکاو ڕابەرو گەلوو کوردی پەی گلېرگەو ئەرمەنی کەرد و واتش: "بە فکرو ڕابەرایەتی سەربەرزێنمۍ، فکرەکۍ ئاڎیی ژیۋایۍ ئاشتی و یەکسان فەراهەم مکەرۆ. فکرەکېش پەی گلېرگەو ئەرمەنی فرە گرنگېنۍ، پۊکەی وەڵتەرۍ پەی ئازاڎیی جەستەیی ڕابەر ئاپۆی خەباتشا کەردەن."

حەرپاسە جە سەرداکەیەنە ۋەرپەرسەو پەروەردەی و ڕێکوستەی ئەنجومەنوو گلېرگەو ئەرمەنی، هەنا سۆمێ قسېش کەردۍ و ئاماژەش بەگرنگی فکرەکاو ڕابەرو گەلوو کوردی عەبدوڵا ئۆجالانی کەرد و ئانەش ئاشکراکەرد کە گلېرگەی ئەرمەنی جە هەشتاکاو سەڎەی ۋییەرڎەینە ئاشناو فکر و کۊشیای ڕابەرو گەلوو کوردی بیەن. پۊکەی پېسە گلېرگەو ئەرمەنی گرڎ وەختۍ چنی ئازاڎیی جەستەی ڕابەرو گەلوو کوردی عەبدوڵا ئۆجالانینمۍ.

جە دمادمایینە میقدارۍ جە کتێبەکا ڕابەرو گەلوو کوردی عەبدوڵا ئۆجالانیشا پېسە سەوقاتی پێشکەش بە ئەنداماو گلېرگەو ئەرمەنی کەردۍ.