دەسوەڵێوزی ژەناو پانیشتوو کوردستانی ناڕازیبییەی تندش وەراوەر بە هجوومەکاو دەوڵەتوو تورکی دژوو سروشتوو کوردستانی نیشانە دا و واتش: "کوردستانەنە نەک ئایرکەوتەیوە، بەڵکوم خودوو دەوڵەتوو تورکی کارەساتەکەنێ."
دەسوەڵێوزی ژەناو پانیشتوو کوردستانی پێوەس بە ڕووەدای ئایرکەوتەیوەکەی و هجوومە قڕکارییەکاو ئی دمایەو دەوڵەتوو تورکی وەراوەروو ئیکۆلۆژیای ئەرەیاوناێوەش وەڵا کەردۆ.
ئەرەیاونایەکەنە سەرەوەشییش پەی بنەیانەو قوربانییاو ئایرکەوتەیوەکەی بەروستەن و هومێدوو خاسیش پەی بریندارا واستەن و ماچۆ: "دەوڵەتی ئەرەگیرکەروو تورکی نەک بەتەنیا ئینا هەوڵێ قڕکەردەی زوان و چاندیمانە، بەڵکوم هەمان وەختەنە بەردەواما جە قڕکەردەی سروشتوو کوردستانیچ. کوردستانەنە کارەساتی سروشتی نییەن، بەڵکوم کارەساتی بنەڕەتی بییەی دەوڵەتوو تورکی وهەرمانەکێشنێ. بڕییەی دارستانەکا و بەکارئاردەی چەکی کیمیاوی سەروو خاکەکەیماوە هەرمانێ هەمیشەیێ دەوڵەتوو تورکینێ. بە بۆردومانکەردەی کەش و دەگایەکا سروشتیما تاڵان مکەرۆ. ئینەیچە سیاسەتێوی مەبەستداروو دەوڵەتوو تورکین."
دەسوەڵێوزیی ژەناو پانیشتوو کوردستانی داواش جە گەلوو کوردی کەردە هەڵوێستشا دژوو تاڵانکارییەکاو دەوڵەتوو تورکی زیاتەر بکەرا و واتش: "دەوڵەتوو تورکی بە هیچ شێویوی ڕووەدایەکەنەدا هامکاری وەنەقۆمیایاش نەکەرد. ئایرکەوتەیوە کوردستانەنە هەوڵێوەن پەی دلێنەبەردەی سروشتوو کوردستانی."
ئاخرۆ دەسوەڵێوزیی ژەناو پانیشتوو کوردستانی ماچۆ: "پێویستە گەلەکەمان لە بەرامبەر دەوڵەتی تورکدا یەکگرتووبێت و هەڵوێستی بەهێز پیشان بدات. پێویستە بەرامبەر تاوانەکانی دەوڵەتی تورک لە کوردستاند بێدەنگ نەبین."
