دەوڵەتی ئەرەگیرکەروو تورکی سەعاتەکاو سەرسەعبیوە چند دەگا و کوێستانێوی هەرێموو زاگرۆسینە ئۆپەراسیۆنی پاکتاوییش دەس پەنە کەرد. ئۆپەراسیۆنەکە دەگایەکاو سۆری و زەڤکانوو ئێلباکی و سنووروو خاشکان، درشک، لێسەک، دێراڤوو هەرێموو گەلوو دریانی و دەگاو سۆریانی و باسانی و باسانی بەرزی و دێلەزوو گەڤەرینە، دەسش پەنە کەردەن. 

سەعاتەکاو سەرسەعبیوە هەزاران سەروازێ تورکی بە زر٣پۆشێ و هەلیکۆپتەرێوە ناوەندوو جولەمێرگینە و مەنتێقەکاو دەوروبەریوە ئامێنی هەرێمەکە.

کەش و کوێسانەکێ تەوقە دریێنێ

ئا وەختە ڕایەکاو مەیدان بەلەکی و گەلوو زەینەبی و دەشتەو گەلوو دۆلانی لاو سەروازاو تورکیوە گیریێ، ئا کەسێ کە لوێنێ واگە، وەنەشا پەرسیێوە و ئشناسنامەکەشا وشکنیێ. 

دەشتەو سیانی و گەلوو ماسیرۆو ەگاو لێسەکوو سەر بە مەنتێقەو ئێلباکوو وانی، ناڤشیان، کەشوو مۆری  دەگاو سۆریانوو گەڤەرینە، شیشۆلنە دەگاو سۆرینە، دەشتەکاو کرمکی، شەرمەرزانی و کانی درێژی جە گەلوو پینیانشینە دەشتەو داڤانی سورینە، لاو سەروازەکاوە تەوقە دریێنێ و سەروازێ جووڵەشا پەنە کریان. 

هجووم پەی سەروو تلۆرانی ١٣ ڕوێن بەردەواما

ئا هجوومە ١١و حوزەیرانینە سەروو هەرێموو کەشوو سیپێرێزی و هانەکاو هۆری و بێرێ سوری، کە دەگایەکاو تلۆرانی وارینینە و تلۆرانی سەرینیش چەنەنێ، ١٣ ڕوێن بەردەواما. چا مەیدانانە کە کەشەکاو سیپێرێزی و ئۆمەریش چەنەنێ، بەردەوام فڕۆکەی بێفڕۆکەوان عاسمانەنە مسووڕیۆوە.