جیک بە بۆنەو جەژنەو قوربانیوە پەیامێوەش وەڵاکەردۆ کە دلېینەو پەیامەکەی پی جۆرەنە: " چی جەژنە مبارەکېنە ئێمە بە دڵوەشی وئاسودەیی چنی یۊترینی کوۍ بیمێۊە. بەزەیی و بەرەکەتوو خوڎاوەنڎی سەرو گرڎیمارە بوارۆ. جەژنە ئا ڕووەنە کە هەستوو یەکڕیزی و واڵە و برایەتیما بەقوەتتەر مکەرۆ. ئێمە پېسە گەلی بە خەمبارییوە پێشوازی چا ڕووە پیرۆزا مکەرمۍ. ستەم و نادادی سەرو گەلەکەیما کە دەسوو ئەرەگیریوە مناڵنۆ تا مۍ زیاتەر مبۆ. کردەوە نایاسایی، نادادی و پاشێلکارییەکۍ مافەکا جە تەرەفوو دەوڵەتو تورکیوە سەرو گەلەکەیماوە بە شێوەی جیاجیا موینیۆ. جە دماین نمونەنە دەوڵەتو تورکی جۆلەمێرگەنە ئیرادەو گەلەکەیماش زەوت کەرد و سەلەمناش کە درێژە بە نادادی و ستەمی ١٠٠ ساڵەی مڎۆ. هجوومە ئەرەگیریەکۍ پەی سەرو ۋەرنیشتی و پانیشتی زەرەری گەورە بە ئاشتی و ئارامی گەلەکەیما میاونۆ و هەڕەشۍ جە ژیۋای خەڵکی مەدەنی مکەرۆ. داوا جە گەلەکەیما مکەرمۍ کە چی جەژنە مبارەکېنە سەرەڕاو گرڎوو دژوارییەکایچ بێهیوۍ نەبا و دلۍ یۊبیەی و یەکریزینەبا. بڕواما ئانەما پنە نیشانە مڎۆ کە دادپەروەری، ئارامی و واڵە و برایەتی جە پیرۆزتەرین پایە و کۆڵەکەکانۍ. تا گەلەکەما ئازاڎ بۊنە و مافە مرۆڤیەکاش بەدەست مارۆ، ئێمە پەی ئا پایە و کۆڵەکا درێژە بە ئەرەکۊشای مڎەیمۍ.

دوعاکێما پەی گەلە چېردەسەکەیمانۍ. داوا جە خوڎای گۊرەی مکەرمۍ کە ئاینڎېوە پەڕ جە ئاشتی، دادپەروەری و ئازاڎیی کەرۊنە نسیب و تەماموو جوگرافیاو ئیسلامی بەتایبەتی گەلەکەیما. هومېڎەوارېنمۍ کە جەژنەو قوربانی بۆ بە مایۍ دماییئارڎەی بە ئێشەکاما، مەیسەرکەردەی دادپەروەری و چەسپنای ئاشتی هەمیشەیی جە خاکەکەیمانە.

دیسان داوا جەگەلەکەیما مکەرمېوە کە دژوو ئی ستەمکارییە پشوودرێژۍ با و زیاتەر پەرە بە ئەرەکۊشای بڎا".