ناوەنڎوو ئەرەیاۋنای و چاپەمەنی هێزەکا پارېزنای گەلی (هەپەگە) ئی وردەکاریېشە سەبارەت بە چالاکییەکاو گەریلای و هجوومەکا سوپاو ئەرەگیروو تورکی وەڵاکەردېوە:

"هەرێموو مەتینای؛

٨و حوزەیرانی سەعات٢:٣٠ دەیەقۍ، جە کەش و بامەڕنێ بە تاکتیکو نیشانەماڕۍ، ئەرەگیرەکۍ کریۍ ئامانج و ئەرەگیرېوە سزا دریا. ئی ئۆپراسیۆنە جە تەرەفوو هێزەکاو یەژاستاریماوە کریا.

هەرێموو گەشمەرڎە دەلیلی، جە ۋەرنیشتوو زاپی؛

٨و حوزەیرانی سەعات ٠٨:٢٨دەیەقۍ، جە مېڎانوو مدرامانوو کەش و جودینە کامێرېوە چەمڎاری ئەرەگیرا کریا ئامانج و بە تاکتیکو نیشانەماڕۍ دلېنەبریا. ئی چالاکییە جە تەرەفوو هێزەکاو یەژا ستاریماوە کریا.

٨و حوزەیرانی سەعات ١٦:١٠ دەیەقۍ، جە مېڎانوو مدرامانوو کەش و جودی ئەرەگیرەکۍ بە چەکی قورس کریۍ ئامانج و گورزەشا ۋەرکەوتە.

٨و حوزەیرانی سەعات ١٦:٣٠ دەیەقۍ، وەختۍ ئەرەگیرەکۍ جە مېڎانوو مدرامانوو کەش و جودینە نیازشا بۍ بنەوزا، بە چەکی قورس کریۍ ئامانج و پلانەکېشا هۊرشېویېوە.

٩و حوزەیرانی سەعات ١٠:١٠ دەیەقۍ، وەختۍ ئەرەگیرەکۍ جە مېڎانوو مدرامانوو کەش و جودینە سەنگەر دېنێۋنە، بە چەکی قورس کریۍ ئامانج و چا شۊنېنە کیشیېوە.

٩و حوزەیرانی سەعات ١٨:١٠ دەیەقۍ، جە مېڎانوو مدرامانوو کەش و جودی فڕۆکېوە بێفڕۆکەوانوو ئەرەگیرا بە چەکی تاکەکەسی کریا ئامانج و دلېنەبریا. ئی ئۆپراسیۆنە جە تەرەفوو هێزەکاو یەژا ستاریماوە ئەنجامدریا.

١٠و حوزەیرانی سەعات ٠٢:٣٠ دەیەقۍ، جە مېڎانوو مدرامانوو کەش و جودی سیستمێوە کامێرەی چەمڎاری سەر بە ئەرەگیرا کریا ئامانج و بە تاکتیکو نیشانەماڕۍ دلېنەبریا.

٨و حوزەیرانی سەعات ١:٤٠ و ١٧:٢٢ دەیەقۍ، وەختێنە ئەرەگیرەکۍ گەرەکشابۍ جە مېڎانوو مدرامانوو کەش و ئێف ئێمینە بەرەو مەڕەکاما بەیا وەڵۍ، بە تاکتیکی سابۆتاژ کریۍ ئامانج و زەرەرۍ فرەشا پنەیاوا.

٩و حوزەیرانی سەعات ١٢:٣٠ دەیەقۍ، جە مېڎانوو مدرامانوو کەش و ئێف ئێمینە گەرەکشا بۍ توتېوە بکیانە دلۍ مەڕەکاو بێکاریگەر کریا. حەرپاسە دەس گیریا سەرو چراوېوە دەسیۍ و کامېرێوەرە.

٩و حوزەیرانی سەعات ١٧:٢٠ دەیەقۍ ئەرەگیرەکۍ کە پلانەشا نیېبێرە جە هەرێموو مدرامانوو ئێف ئێمینە بنەوزا، بە تاکتیکی سابۆتاژ کریۍ ئامانج و دریاشا ۋنە. دماو چالاکییەکەی ئەرەگیرەکۍ شۊنماکېشا چۆڵ کەردە.

٩و حوزەیرانی سەعات ٢٢:٢٠، دەیەقۍ، جە مېڎانوو مدرامانوو کەش و ئێف ئێمی سیستمێوە کامێرەی چەمڎاری سەر بە ئەرەگیرا ، بە تاکتیکو نیشانەماڕۍ کریا ئامانج و  دلېنەبریا.

٩و حوزەیرانی سەعات ١٥:١٠ دەیەقۍ، جە مېڎانوو مدرامانوو کەش و ئامێدینە، بە چەکی قورس دریاشا ۋنە.

هجوومەکۍ سوپاو ئەرەگیروو تورکی بە تەقەمەنی قەڎەغەکریای؛

٨و حوزەیرانی هەرێموو مدرامانوو کەش و ئێف ئێمی جە مېڎانوو گەشمەرڎە دەلیلی جە ۋەرنیشتوو زاپی جارێوە بە تەقەمەنی قەڎەغەکریا بۆردومان کریا.

٩و حوزەیرانی مەڕەکېما جە هەرێموو مدرامانوو کەش و جودی کە گنۊنە مېڎانوو گەشمەرڎە دەلیلی جە ۋەرنیشتوو زاپی، جارێوە بە تەقەمەنی قەڎەغەکریا بۆردومان کریۍ.

هجوومەکۍ سوپاو ئەرەگیروو تورکی ؛

٨ و ٩و حوزەیرانی، مېڎانەکۍ لولانی و کۆلیتی جە هەرێموو خاکورک ٢ جارۍ؛ مېڎانەکۍ مدرامانوو شێلازۍ و بێشیلی و بازێ جە هەرێموو مەتینای ٣ جارۍ ؛ مېڎانوو مدرامانوو کەش و وەهاری جە هەرێموو گەشمەرڎە دەلیلی، جە ۋەرنیشتوو زاپی ٢ جارۍ؛ بە گرڎیی ٧ جارۍ جە تەرەفوو فڕۆکە جەنگییەکاوە بۆردومان کریېنۍ.