کۆمیتەو ڕاوەبەری جمیەروو شۆڕشگێڵنی یۆگێرتەو گەلا (هەبەدەهە)ی ئەرەیاۋنێوەش وەڵا کەردۆ و ئەرەیاۋناش، "ملەملانێ بەینوو چێردەسا و دەسەڵاتدارا جە تەماموو تاریخینە جە ئاستی جیاجیانە بەردەوام بیەن. ئارۆ جە خاکوو کورڎەسانینە جەنگێوە چەپەڵ کە حکومەتوو فاشیستی ئاکەپە-مەهەپەی بەرۊش ڕاوە یاوان بە قۆناغێوە گرنگ. دەسەڵاتداری فاشیست بە سەفەربەری کەردەی گرڎوو هێزوو ۋێش هەوڵ مڎۆ کۊشیای ئازاڎیی کوردی دلېنەبەرۆ. جە ۋەارا ۋەروو هجوومەکا دەسەڵاتی فاشیستینە، کۊشیای ئازاڎیی گەلا چەوەسیای جە جوگرافیاو تورکیا و کورڎەسانی بە قەرارداریوە بەردەواما".

جە درێژەو ئەرەیاۋناکەینە ئامان، کە فاشیزموو ئاکەپە-مەهەپەی پەی زەردارکەردەی و هۊرگېرتەی پەشتیوانی دارایی پەی سیاسەتوو جەنگی جە تورکیا و کورڎەسانەنە، گرڎوو دەرفەتەکاشا وستەن گەڕ.

جە ئەرەیاۋناکەینە ئانەیچ وزیان ڕووە کە یۆ جە سەرچەمە گرنگەکاو فاشیزمی کەرتی گەشتیارییا و چا رووانگۆ ئەرەیاۋییان، "با گەلەکەما بزانۆ کە هەر داهاتێوە ئا بوارەیە بۆ بە بۆمبۍ، پەی مەردەی و ۋنۍ جە ۋەرا ۋەروو رەنجدەرا تورکیای و کورڎەسانینە.

دەسەڵاتداری ئەردۆغانی بەمەڵامەتوو سیاسەتەکاش دلۍ گەلاو جەهانینە رسوا بیەن. گەلاو جەهانی ڕۆ دماو ڕۊی عالتەر موینا کە دەسەڵاتدارییەکەش جگە جە هەژاری و جەنگی هیچ چێوۍ بە گەلا مەڎۆ.

مەبیدۍ بە هامبەشوو جەنگی چەپەڵی

بانگەوازما پەی گەلا تورکیای و جیهانی ئانەنە کە دلۍ قەیرانەو ئابورینە کە دەسەڵاتداراو ئاکەپە-مەهەپەی چنەشەنە چەقێنۍ بە هیچ جۆرێ نەبانۍ بە پە شتیوانی ئانەی. وەختۍ ئینسان ئاستوو جەنگی چەپەڵی و فشاروو دەسەڵاتداری فاشیستی بارۊنە ۋەروو چەما، مشۊم کەس پېسە گەشتیاری نەلۆ تورکیا و نەبانۍ بە هامبەشوو ئی جەنگە چەپەڵەیە.

جە هەلومەرجی هەنوکەیینە لووای پەی تورکیای پېسە گەشتیاری  و ئا زەڕەی چا خەرج مکریۆ مبۆ بە پەشتیوانۍ راسەوخۆی پەی ئەرەگیریەکا دەسەڵاتی فاشیستی سەرو خاکوو کورڎەسانیۆ.

حکومەتی فاشیست چ رێبازێوە بەکاربەرۆ با بەکارش بەرۆ، جە ۋەرا ۋەروو کۊشیای شۆڕشی یۊگېرتەو گەلا تورکیای و کورڎەسانینە شکس مارۆ.

ڕۆ ڕۆ و کۊشیای ئازاڎیین دژوو فاشیزمی، ڕۊو یۆگێرتەین دەورو شۆڕشی یۊگێرتەینە.

مەبیدۍ بە مشتەری ئی کەرتەیە کە پەشتیوانی دارایی جە جەنگی مکەرۆ و مەبیدۍ بە هامبەشوو جەنگی چەپەڵی.

ئانۍ کە جەنگی چەپەڵ بەرا ڕاوە سکس مارا و گەلا ۋێڕاگری سەرۍ گنا."