هەمڕا هەوڵسازەکێ بەشو فارسی ئاژانسو هەواڵو فوراتی، گەشمەرڏە کاروان هۆرام- شا یاڏ کەردۆ کە دووێ ساڵێ چێوەڵتەر دماو تەمەنێ جە ئەوەکۆشای ئازادی گەشمەرڏە بی و واتشا: "گەشمەرڏە کاروان دماو وێش ئەوەکۆشایێ شکۆمەندش جیا ئاستەن و بییەن بە ڕانیشاندەرما".
کاروان هۆرامی ئینسانێ کۆششکار و ئەرەیاونێوە ئازاد بێ، بەمەڵامەتو نەوەشیۆ جە ١٤و نیسانو ٢٠٢٣ نە جە هەرێمو پارێزناو مەدیاینە گەشمەرڏە بی.
کاروان هۆرامی دەگاو سنەینە جە وەرکەوتوو کوردەسانینە جە ئەڏێ بییەن، جە تەمەنو ١٥ ساڵییۆ پەی ئەوەکۆشای ئازادی کوردەسانی ڕەنجش دان.
هەمانکاتەنە بە مەبەسو پەرەپنەدای ئەرەیاونای ئازادی ئەوکۆشیێ گۆرەش ئەنجام دان؛ جە بەشو فارسی ئاژانسو هەواڵو فوراتی (ANF) ساڵانێوە فرە هەواڵساز بییەن. قەڵەمەکەش پەی حەقیقەتو گەلەکەیش بە کار ئارێ و وشەکێش وزەو مڏرامانی بەخشێنێ.
کتێبەکەش بە نامێ 'کارەوانو وشە ئازادەکا' جە ئادارو ٢٠٢٤ وەڵا کریاوە، پەی ئا کەسا گەرەکشانە ژیوای، ئەوەکۆشای و کەسێتی کاروان هۆرامی بشناسا سەرچەمیێوە گرنگ و سەنگین بۆنە. جە کتێبەکەشەنە سەرەڕاو باس کەردەی جە کارەوانو هەرمانێ و ئەوەکۆشای گەشمەرڏە کاروانی، وێنێ گرڏو قۆناغەکا ئەوەکۆشای گەشمەرڏە کاروانیش ئینا چنە.
ئاژانسو هەواڵو فوراتی (ANF) جە ساڵوەگەڕو گەشمەرڏە بییەو کاروانینە ئەرەیاونێوەش وەڵا کەردۆ و چنی یاڏکەردەوەکەی جەخت سەرو بەردەوام بییەی سەرو خەباتو ئەرەیاوناو ئازادی گەشمەرڏە کاروانی کریاوە.
ئاژانسو هەواڵو فوراتی جە ئەرەیاوناکەینە خەباتو گەشمەرڏە کاروانیش بە ڕانیشاندەرو ئەرەیاونای ئازاد نامێ ئارد و ماچۆنە: "گەشمەرڏە کاروان با میراتە ئەرەیاونایشە پەیش جیا ئاستیمێ، جگە جە خەرمانێوە جە هەواڵی و مژاری وەشکریای ئەرەیاونای، بی بە ڕانیشان دەرو ئەوەگێڵای پەی میدیاکارا تازەی ئەوەگێڵای حەقیقەتی.
ئاژانسو فوراتی ئاماژەش پانەیەدا گەشمەرڏە کاروان هۆرامی بە زوان ، مڏرامان و هەڵوێسی شکۆمەندیییۆ پەی گرڏ کاتێ جە یاڏەوەری گەلینە زینە مەنۆوە و واتش: واچەکێش پێسە بڵندگۆیێ تەمەنێوە جە گیانبەخشای ئازادینە، گرڏ کاتێ زینە مەنۆوە."
