حەماس بانگەشەو ئانەی مکەرۆ ڕۆو شەممەی کەمپوو جەبالیەینە جە غەززە کەمینشا نیانەرە و ژمارێوە سەروازۍ ئیسرائیلیشا گێرتێنۍ، بەڵام سوپاو ئیسرائیلی ئا بانگەشەیە رەڎ مکەرۆوە.
بە پاو سەرچەمەکا حەماسی ئا هێزۍ ئیسرائیلی کە کریێنۍ ئامانج جە مەڕێوە کەمپوو جەبالیەینە بیێنۍ و گرڎوو ئەندامەکا ئا هێزەیە کوشیێنۍ، زامڎارۍ کریێنۍ یا گیریێنۍ".
واتەواچوو باسکی چەکڎاری جمیەروو ئیسلامی فەلەستینی ئەبو عوبەیدە بانگەشەو ئانەیش کەرد کە هێزەکاو حەماسی ئانەینە مەڕەکۍ تەقناوە، دەسشا سەروو کەلوپەلی سەروازیرە گرتەن.
ئەبوعوبەیدە جە هەمان وەختەنە دیمەنێش نیشانەدا کە سەروو زەمینیۆ کیشیابێرە بانگەشەو ئانەیش کەرد کە سەروازۍ ئیسرائیلیا و بەدیل گیریان.
سوپاو ئیسرائیلیچ بە بێ ئانەی ئاماژە بە کوشتەی و زامڎاربیەی سەروازەکاش بکەرۆ ئەرەیاۋناش، "ئانەی ڕۊشنا و ئاشکران هیچ سەروازێشا نە بڕفانیان و بەدیل نەگیریان".
دیوانوو دادی میان نەتەوەیی قەرارش دابۍ سوپاو ئیسرائیلی ئۆپراسیۆنوو ۋێش شارو رەفەحینە کە سەڎان هەزار کەسێش ئینۍ چنە مردنۆ. سەرەڕاو ئا قەراریچە ڕۊو شەممەی سوپاو ئیسرائیلی درێژەش بە بۆردومانکەردەی ئا شاریە دابۍ.
حەرپاسە پەی ئاێر بەسی و ئازاڎکەردەی زیاتەر جە ١٠٠ دیلا، حۊڵەکۍ بەردەوامێنۍ.
