هەپەگە شناسنامەو ٢ گەریلایاش ئاشکرا کەرد، کە ماواینە گەشمەردێ بیێ و واتش: "گەلوو بۆتانیما، کە میلیتانیێ بەڕێزێ پێسەو ئاخین و شەڕڤانێش چنە ورکەوتێنێ، پا قوربانییا کە پەی کۆشیای ئازادیی بەخشێنێش، بی بە جەختکەرەوەو ژیوای بە شکۆ و وەڵاتپارێزنی."
هەپەگە ئەرەیاونایەکەیەنە ماچۆ: " ١٩و حوزەیرانینە بەینوو هامڕایاما و دەوڵەتی ئەرەگیرکەروو تورکینە هەرێموو ماواینە بۆتانەنە جەنگ وەش بی، دلێشنە هامڕێ میلیتانیێ ئاپۆیێما هامڕا ئاخین و شەڕڤان گەشمەردێ بیێ."
ناوەندوو ئەرەیاونای و چاپەمەنیی هەپەگەی پێوەس بە گەریلا گەشمەردەکاوە واتەنش:
" هامڕاما ئاخین شۆنکەوتەو ژەنا یارایاو بۆتان جاهیدی، عەزیمە، بێریڤان، زەلال، چیچەکێ و گولبەهارانێ. دژوو ژیوای کۆیلایەتی کە دوژمن گەرەکش بێ بسەپنۆش کوردستانەنە، چۆکێش نەدێرە و پێسەو هەزاران ژەنە کوردا کەشەکێش پێسەو پانایی ئازادیی دیێ، هامڕاما هەستش پانەیە کەردەبێ، ئاخرۆ تەنیا کەشەکاو کوردستانینە متاویۆ زنجیرەکاو کۆیلایەتی بپڕچنۆ و دلێ گەریلایەتیینە پی ئامانجەوە کۆشیا و گردوو وەختەکاو ژیوایش پی ئامانجەوە بەردێ سەر. هامڕێما گرد وەختیوە ڕووەش بۆتانیوە بێ، کە سوپابییەی ژەناش دلێنە بەرکەوت، ماو داوایەکاو ئازادیی هەنگامێش نیێ و جەوهەروو وێشەنە جەمێش کەردێوە. هامڕێما تووڕەیەکەش دژوو دوژمنی بە کۆشیای بەروزێ و بییە بە نموونێوی حەر جوانی دروس، ئاسودێ و ژەنێوی زیرەکە.
هامڕاما شەڕڤان جگە چانەیە ناچار بێ دوور جە وەڵاتوو کوردستانیوە بژیوۆ، بەڵام گرد وەختێو هەستوو وەشەسیای وەڵاتەکەو وێش هەست پەنە کەرێ و زانێ بە دڵنیاییوە ڕوێو مێ مگێڵۆوە پەی خاکوو وێش. بە نموونێوی ڕۆشن ئاستوو ئازادی، کە گەنجاو کوردی ڕاو فەلسەفەو ڕێبەر ئاپۆیوە پەنەیاوێنێ، هامڕێما شەڕڤان بە پراکتیک و کەسایەتیی وێش ئانەش ئیسپات کەرد، کە جە وەخت و دۆخی فرە زەحمەتەنە پێویس مکەرۆ کە هەڵوێستی میلیتانیی چەنین بۆ. پێسەو گەریلایێوی ئازادی سەربەرزی گێڵاوە کوردستان و بۆتان، تاموو ژیوایش کەرد. هامڕێما ساڵانێوی فرە بۆتانەنە کۆشیا و و چا قۆناغە تاریخییەو گەلەکەیمانە هەرمانەو وێش کەردەش و خەباتی گەریلایەتیی کوردستانینە بییە بە ساعیبەو کۆشیاێوی تارێخی.
گەلوو بۆتانیما کە میلیتانیێ ئازێ پێسەو ئاخین و شەڕڤانیش چنە ورکەوتێنێ، پا قوربانییا کە پەی کۆشیای ئازادیی بەخشێنێش، بی بە جەختکەرەوەو ژیوای بەشکۆ و وەڵاتپارێزنی. پێسەو هامڕایا گەشمەردە ئاخینێ و گەشمەردە شەڕڤانی وەعد مدەیمێ بیمێ بە شایستێ کۆشیای ئازادیی گەلوو بۆتانی و گردوو گەلوو کوردستانی وەڵاتپارێزنی و وەرموو هامڕایاما بارمێ دی. سەروو ئی بنەمێوە سەرەوەشیی وێما پەی بنەیانەی ئازیزوو گەشمەرداما و گردوو گەلوو کوردستانی وەڵاتپارێزنی بەرموزمێ.
زانیارییەکێ سەروو شناسنامەو هامڕا گەشمەرداما:
شناسنامێ: ئاخین گابار
نامێ و دمانامێ: زەینەب ئۆزکان
یاگێ پەیدابییەی: شڕناخ
نامێ ئەدێ و تاتەی: ئامینە- عەبدوڵا
وەخت و شۆنەو گەشمەردەبییەی : ١٩و حوزەیرانوو ٢٠٢٤/ بۆتان
شناسنامێ: شەڕڤان بۆتان
نامێ و دمانامێ: شاکر ئەردەمجی
یاگێ پەیدابییەی: مێرسین
نامێ ئەدێ و تاتەی: خاتوون- عەبدوڵا
وەختو شۆنەو گەشمەردەبییەی : ١٩و حوزەیرانوو ٢٠٢٤/ بۆتان."
ئاخین گابار
***
شەڕڤان بۆتان
