ناوەندوو چاپەمەنی و ئەرەیاونای هێزەکاو پارێزنای گەل (هەپەگە)ی، ساڵیادوو گەشمەردەبییەی گەشمەردە ئارین ئاریشێنە بە ئەرەیاوناێوە یادوو ئا گەشمەردێشە کەردۆ و واتش: "هامڕێما ئارین ئێریشە دەرنجاموو هجووموو دوژمنینە پەی سەروو هەرێمەکاو پارێزنای مەدیای، ١٣و حوزەیرانوو ٢٠١٩ینە گەشمەردێ بییە."

ئەرەیاونایەکەینە ئامان: " هامڕێما ئارینە، کە بە ئیرادە و هەستیاریێوی فرەوە دەورە شۆڕشگێڵنییەکاش گردوو مەیدانەکانە گێڵنێ، گەریلایێوە نموونەییەو یەژا ستاری بێ. هامڕێما ئارینە بە کۆشیایەکایش یاگێ وێش تاریخوو کۆشیای ئازادیمانە کەردۆ. هامڕێما ئارینە بە پراکتیکەکاش بییە بە نموونە پەی هامڕایاش و گردوو بارودۆخێوەنە بەبێ مانیای کۆشیا پەی ئازادیی و جوابەو  پەنەوازییەکاو ئا قۆناغەیە بێ، هامڕێما خەباتکارێوی پاژکی و پارتیما بێ و بە بەشدارییە کاریگەرەکاش یاگێش دڵوو ڕەفێقاشنە کەردۆ.

هامڕێما ئارینە، کە هەنگامەکاو کۆشیای ئازادییش هەرێمەکاو مەتینایوە دەس پنە کەردێ و گردوو مەیدانەکاو هەرێمەکاو پارێزنای مەدیاینە بەردەوامە بییە؛ بە کەسێتیی خاکییانە، ڕەنجدەر، ورەی بەرزشۆ هامڕایی وێش دڵوو گردوو هامڕایاشنە بەدەس ئارد.

هامڕێما ئارینە پێسەو میلیتانێوە، هۆشمەندیێوی قووڵوو ئازادیی ئاپۆییش وێشنە مەرزنارە و یاگێ وێش دلێ خەباتوو هێزە تایبەتەکانە بەدەس ئارد. وەعد مدەیمێ ئا کۆشیایە کە دێنمێش دەس، کەسێتییشنە بیمێ بە شایستەو گردوو گەشمەردا و سەر بوزمێ. پی هەستیماوە واوەی ساڵوەگێڵوو گەشمەردەبییەیشنە بە ڕێز و پنەزانایوە یادش مکەرمێوە  و سەرەوەشیما پەی بنەیانەی بەڕێزیش و تەماموو گەلی وەڵاتپارێزنوو کوردستانیما موازمێ.

زانیارییەکێ سەروو شناسنامەو گەشمەردێ ئینێنێ:  

شناسنامێ: ئارین ئێرش

نامێ و دمانامێ: نەجبیر بوداک

یاگێ پەیدابییەی: ئامەد

نامێ ئەدێ- تاتەی: ئامینە- حوسەین

وەخت و شۆنەو گەشمەردەبییەی: ١٣و حوزەیرانوو ٢٠١٩/ هەرێمەکاو پارێزنای مەدیای."