هەپەگە یاڎوو دووۍ گەریلایا گەشمەرڎەیش بەرزڕاگېرت
هەپەگە بە حورمەتۆ یاڎوو دووۍ گەریلایاش کەردۆ کە هەرێموو خواکوڕکینە گەشمەرڎۍ بیېنۍ و واتش: "هامڕېما ئاڤینارە و ڕووکەنە بە هامڕایی درووس و بەشداری فیداییانەشا بیۍ بە پارێزنەرۍ ژیۋای پارتەکەیما."
ئەرەیاۋناو نامۍ گەشمەرڎا
ئەرەیاۋناکەو ناوەنڎوو ئەرەیاۋنای و چاپەمەنی هەپەگەی پی جۊرەنە:
"جەنگاوەرا قارەمانۍ ئەرەکۊشای ئازاڎیی هامڕېما ئاڤینارە و ڕووکەنە جە ٦و نیسانوو ٢٠١٨ینە جە ئاکاموو هجوومېوە سوپاو ئەرەگیروو تورکینە جە هەرێموو خواکوڕکی گەشمەرڎۍ بیۍ. ڕۆڵە قارەمانەکۍ گەلەکەیما و هامڕېما ئاڤینارە و ڕووکەنە بە گەشمەرڎەبیەیشا میراتێوە ئەرەکۊشای جە یاڎ نەکریایشا پەی جیائاستیمۍ.
هامڕېما ئاڤینارە و ڕووکەنە پەی ئازاڎیی گەلا چېردەسی و گەلەکەیما بەشدارۍ دلۍ ڕیزەکاو گەریلای بیۍ، بە ئایدۆلۆجییای ئاپۆییوە فاڕیای ۋەرچەمشا جە ۋېشانە ۋەشکەرد و بەرەو سەرکەوتەی هەنگامەشا نیا. هامڕېما توڕەیی تاریخیشا دژوو سیاسەتەکا قڕکەردەی و تاونایۆ بۍ کە سەڎېوەن جە کوردسانەنە ڕاوەبەر مکریۆ، جگە جە ژیۋای شۆڕشگێڵنی هیچ ژیۋایۍ تەرشا قبوڵنەکەرد و گیانشا فیداو گەلەکەیما کەرد. هامڕېما ئاڤینارە و ڕووکەنە جە وەختېنە کە هجوومەکۍ دوژمنی جە هەرێمەکاو پارېزنای مەدیاینە زیاتەرۍ بیېبێنۍ، بۊنەو ئامانجوو گەشمەرڎاوە بە بێ دوودڵی جە ڕێزەکاو وەڵېوە جەنگشا کەرد و یاۋۍ بە قافڵەو گەشمەرڎا. هامڕېما ئاڤینارە و ڕووکەنە بیۍ بە میلیتانۍ ئاپۆیی و جە هەر ئاژېوە سەختیچەنە بیەبۆ، بە هامڕایی درووس و بەشداربیەی فیداییانە بیۍ بە پارێزنەرۍ ژیۋای پارتەکەیما.
قەول مڎەیمۍ ئەرەکۊشای هامڕایاما ئاڤینارۍ و ڕووکەنۍ بکەرمۍ بە نموونېوە پەی ۋېما و یاڎ کەردەیۊیشا بە زینڎەیی بازمېوە، پی هەستەیماوە سەرەوەشی ۋېما جە بنەیانەو قارەمانوو هامڕایاما و گرڎوو گەلی وڵاتپارێزنوو کوردسانیما مکەرمۍ.
زانیارییەکۍ سەرو ئشناسنامەو هامڕا گەشمەرڎەکاما پی جۊرەنە:
ناسنامۍ / ئاڤینار مەریوان
نامۍ و دمانامۍ / ڕۆزان ڤیلدان کزماز
شۊنماو جە ئەڎابیەی / ئامەد
نامۍ ئەڎۍ و نامۍ تاتەی / زۆزان- جومعە
شۊنماو وەختوو گەشمەرڎەبیەی / ٦و نیسانوو ٢٠١٨/ خواکوڕک
*****
ناسنامۍ / ڕووکەن سپێرتی
نامۍ و دمانامۍ / فاتمە کۆیونجو
شۊنماو جە ئەڎابیەی / شڕناخ
نامۍ ئەڎۍ و نامۍ تاتەی / غەزال- مەحمود
شۊنماو وەختوو گەشمەرڎەبیەی /٦و نیسانوو ٢٠١٨/ خواکوڕک
*****
