ئەرەیاۋناکەو ناوەنڎوو ئەرەیاۋنای و چاپەمەنی هەپەگەی پی جۆرەنە:

"ئێمە جە ساڵیاڎوو گەشمەرڎەبیەو هامڕا ئۆنور ئارتۆسێنە کە ٢ۍ تەمووزو ٢٠٢٢ جە هەرێموو زاپینە گەشمەرڎۍ بیە، بە رێزۆ یاڎەش مکەرمېوە.

هامڕاما ئۆنورە کە جەنگەوانۍ ئازا و جەنگاوەرۍ فیدایی ئاپۆییە بۍ، جە گرڎ مێڎانێوەن کە حزوورش بۍ ۋەرگریکارێوە قەوەتەو هێڵۆو پارتەکەیما بۍ. پەنەوازیەکاو شوناسی و ئشناسنامەو یەژاستاریش بە شایستەییوە جابەجێکەرد و بیە بە جەنگاوەرێوە نمونەییە. بە پاو رۆحوو سەردەمی جماوە و پەی ئانەی ئەرکە تاریخیەکاش جابەجێ بکەرۆ، کۊششێوە فرەش کەرد. پەی ئانەی ئەرەگیرەکۍ نەیاوا بە مەرامەکاشا، بە شێوەی ئاپۆیی جەنگش کەرد و تاکتیکەکاو سەردەمی تازەیش جابەجێکەردۍ. هامڕاکېما بیە بە ساحیب و هەڵوێسێوە کە ڕاش بە سوپاو تورکی ئەرەگیری نەڎا. جە تاریخوو ئەرەکۊشایمانە نامۍ ۋێش بە جۆرێوە نویستۆ کە حەجگیز جە یاڎ نەکریۆ.

پېسە هامڕایاش ئێمە قەول مڎەیمۍ کە ئاڵاو ئەرەکۊشای هامڕێما ئۆنورۍ بە شۊکیایۆ رابگێرمۍ و جە کەسایەتی ئاڎێنە ئاوات و وەرموو گرڎو گەشمەرڎاما بارمێنە دی. پا هەستاوە سەرەوەشی جە بنەیانەی بەقیمەتوو هامڕا ئۆنورۍ و گرڎوو گەلی وڵاتپارێزنوو کورڎەسانی مکەرمۍ.

زانیاری سەرو ئشناسنامەو هامڕێما ئۆنور ئارتۆسۍ پی جۆرەنە:

ناسنامۍ /ئۆنور ئارتۆس

نامۍ و دما نامۍ /شوکران ئارڤاس

شۊنماو جە ئەڎابیەی /وان

نامۍ ئەڎۍ و نامۍ تاتەی /عەزیزە- گورگین

شۊنماو کاتوو گەشمەرڎەبیەی /٢ۍ تەمووزوو ٢٠٢٢/ زاپ