هەپەگە: ئەرەگیرېوە سزادریا، درۆنێوە، رادارێوە و کامێرېوە چەمڎاری دلېنەبریۍ
هەپەگە ئەرەیاۋناش، کە جە هەرێمەکاو مەتینا، گارەی و ۋەرنیشتوو زاپینە جە چالاکیەکانە ئەرەگیرېوە سزادریان، درۆنێوە، سیستمێوە راداری و کامێرېوە چەمڎاری دلېنەبریۍ.
ناوەنڎوو ئەرەیاۋنای و چاپەمەنی هەپەگەی جەبارەو چالاکیەکاو گەریلای جە ١٠ و ١١ حوزەیرانی و هجوومەکا سوپاو تورکی ئەرەگیریۆ ئەرەیاۋنېوەش وەڵاکەردۆ.
ئەرەیاۋناکەو هەپەگەی پی جۆرەنە:
" هەرێموو مەتینای؛
١٠و حوزەیرانی سەعات ١٠:٣٠ دەیەقۍ جە مېڎانوو مدرامانوو سەری مەتیناینە بە نیشانەماڕۍ جە ئەرەگیرا دریا. جە ئاکامەنە ئەرەگیرېوە سزادریا، سیستمێوە راداری دلېنەبریا. چالاکیەکە جە تەرەفوو هێزەکاو یەژاستاریماوە کریا.
١١و حوزەیرانی سەعات ١٠:٣٠ دەیەقۍ جە مېڎانوو مدرامانوو سەری مەتیناینە بە چەکی نیم ئۆتۆماتیک جە ئەرەگیرا دریا، سەنگەرێوە دلېنەبریا.
١١و حوزەیرانی سەعات ١٠:٣٠ دەیەقۍ جە مېڎانوو مدرامانوو سەری مەتیناینە دەسوەردای ۋەرا ۋەر بە جموجۆڵوو هەلیکۆپتەرا ئەنجامدریا. دماو دەسوەردای هێزەکاما هەلیکۆپتەرەکۍ ناچارۍ بیۍ شۊنەکۍ جیابازا.
هەرێموو گارەینە؛
١١و حوزەیرانی سەعات ١١:٣٠ دەیەقۍ درۆنێوە کە سەروو کەش و زەنگلیرە خولیېوە بە چەکی سوک دلېنەبریا.
هەرێموو گەشمەرڎە دەلیلی جە ۋەرنیشتوو زاپی؛
١٠و حوزەیرانی سەعات ٠٨:١٢ و ١٢:٤٥ دەیەقۍ جە مېڎانوو مدرامانوو کەش و ئامێدینە بە چەکی نیم ئۆتۆماتیک جە ئەرەگیرا دریا.
١٠و حوزەیرانی سەعات ١٣:٣٠ دەیەقۍ جە مېڎانوو مدرامانوو کەش و ئامێدینە کامێرېوە چەمڎاری ئەرەگیرا بە نیشانەماڕۍ دلېنەبریا.
هجوومەکۍ دەوڵەتو تورکی ئەرەگیری؛
١٠ و ١١ و حوزەیرانی مېڎانەکۍ لۆلان، خنێرەی سەرین، کەش و گەشمەرڎە شەریفی، سنین ٦ جارۍ، جە هەرێموو گارەینە مېڎانەکۍ کانیسارکی و دەشتەو کافیای ٢ جارۍ، جە هەرێموو مەتیناینە مېڎانوو مدرامانوو بێشیلی ٣ جارۍ، بە گرڎیی ١١ جارۍ بە فرۆکەی جەنگی بۆردومان کریۍ.
١١و حوزەیرانی جە هەرێموو مەتیناینە مېڎانەکۍ مدرامانوو سەرۍ مەتینای و بامەڕنێ بە هەلیکۆپتەری هجوومکەر بۆردومان کریۍ.
