هەپەگە ئشناسنامەو دووۍ گەشمەرڎاش ئاشکرا کەرد
هەپەگە ئاماژەش پانەی کەرد کە جە هەرېمەکاو پارېزنای مەدیاینە دووۍ گەریلۍ گەشمەرڎۍ بېیێنۍ و واتش: "قەول مڎەیمۍ جە ئەرەکۊشایمانە یاڎکەرڎەیۊیشا زیڼە مازمېوە."
ئەرەیاۋنای سەبارەت بە گەشمەرڎا
ناوەنڎو ئەرەیاۋنای و چاپەمەنی هەپەگەی پەیوەس بە گەشمەرڎەکاوە ئی زانیاریێشە ئەرەیاۋنۍ:
"هامڕێما بەرخۆدان و عەزیز جە هەرێمەکاو پارێزنای مەدیاینە جە دووۍ کاتۍ جیاوازێنە جە ئاکاموو هجوومەکا دووژمنینە گەشمەرڎۍ بیۍ و یاوۍ بە قافڵەو نەمرانی.
هامڕاما بەرخۆدان کە جە عەفرینۆ چنی مڎرامانەکاش یەکانگیربی، بەشدارو دلۍ ڕیزەکاو گەریلای بی. بە ئەرەکۊشایە داستانیەکاشۆ جە ئاڤاشینۆ تا زاپ بەشداری ئەرەکۊشای کەرۍ، دلۍ ئەرەکۊشای ئازاڎیمانە بە شکۆوە یاگۍ ۋێش نەخشنا. هامڕاما جە گرڎ شۊنێنە بە ئەگەروو گورز ۋنەشانای جە دووژمنی دەور گێڵنۍ. قەناعەتش چامنە بۍ پی جۊرە بۆ بە شایسەو هامڕا گەشمەرڎەکاش. جە مەڕەکا مڎرامانینە و جە شێوەو تیموو گەریلای نیمە گێڵیارینە جە فرەو ئا چالاکیانە بەشداربۍ کە جە هەرێمەکاو ئاڤاشینی و زاپینە دژوو ئەرەگیرا ئەنجام دریۍ و ئامانجی بنەڕەتیش ئانەبۍ ئەرکەکاش بە بێ کەموکوڵی جابەجێ بکەرۆ. هامڕاما بەرخۆدان پەی ئانەی ۋێش بیاونۆ بە ئاستوو گەریلایۍ پرۆفیشناڵی و جە پراکتیکەنە بەرش وست، بە فیداکارییوە خەباتی گۊرەش کەرد.
ڕۆڵەی ئازاو جزیرەو بۆتانی هامڕاما عەزیز، بە سەرهۊردای کۊشیایما ئاشنابی و پەی ئانەی ئی ئەرەکۊشایە بیاونۆ بە ئەنجام، بەبێ دووەدڵی ۋێش یاونا بە کەشە ئازاڎەکا کوردسانی. هەر چا وەختۆ کە بەشدارو دلۍ ریزەکا گەریلای مبۆ، ئەرەکۊشای گۊرەش کەرد. هامڕاما ئامادەبیەیش جە گرڎ یاگێنە کەردەبۍ بە هێماو ۋێش. جە ۋەرنیشتۆ پەی قەندیلی، جە خواکوڕکۆ پەی مېڎانەکا مڎرامانوو هەرێمەکا مەدیای بی بە خاوەنوو ئەرەکۊشایۍ بێهامتای و گرڎ کاتۍ کۊشش کەرۍ کە ئەرکەکەیش بە بێ کەمو کوڵی ۋییەرنۆ. هامڕاما بە تایبەتمەندییەکاشۆ بی بە میلیتانێوە نمونەیی ئاپۆیی. بی بە شۆڕشگێڵنێوە پا جۊرە کە گرڎ وەختۍ بە دڵسۆزییەکاش و بەها ئازادییەکاشۆ جە ئەرەکۊشایمانە یاڎش بکریۆوە.
پی هەستۆ سەرەوەشی ۋێما ئاڕاسەو بنەیانەو هەردووە هامڕای گەشمەرڎەیما و گرڎوو گەلوو کوردسانی وڵاتپارێزنیما مکەرمۍ و قەولما واوەی مکەرمېوە جە ئەرەکۊشایمانە یاڎکەردەیۊیشا زیڼە مازمێوە.
زانیارییەکۍ سەرو ئشناسنامەو هامڕا گەشمەرڎەکاما پی جۊرەنە:
ناسنامۍ / بەرخۆدان قارەمان
نامۍ و دما نامۍ / محمەد سلێمان
شۊنماو جە ئەڎابیەی / عەفرین
نامۍ ئەڎۍ و نامۍ تاتەی / فەریدە- موسا
شۊنماو وەختوو گەشمەرڎەبیەی / ١٦/١/ ٢٠٢٤/ هەرێمەکاو پارێزنای مەدیا.ی
*****
ناسنامۍ / عەزیز گابار
نامۍ و دما نامۍ / سەردار سۆنمەز
شۊنماو جە ئەڎابیەی / شڕناخ
نامۍ ئەڎۍ و نامۍ تاتەی / لەیلا- عەزیز
شۊنماو وەختوو گەشمەرڎەبیەی / ١٨/٤/ ٢٠٢٤/ هەرێمەکاو پارێزناو مەدیای.
بەرخۆدان قارەمان
عەزیز گابار
