هجوومەکاو سوپای ئەرەگیرکەرەو تورکی پەی سەروو هەرێمەکاو پارێزنای مەدیای بەردەواما. وەراوەروو گەریلاکاو ئازادیی کوردستانینە بە تاکتیکی ئاردەینەرانە هجوومەکاو دووژمنی پووچەڵ مکەرانێوە. بە چالاکییەکاو ئی دمایە چندین ئامانجێ دوژمنی بەتاڵێ کریێنێە. هێزەکاو گەریلای بە تایبەت بەینوو ١ پەی ٦وو حوزەیرانی چالاکیی کاریگەرش کەرد و ئاڤاشیننە، زاپ و مەتینانە دژوو سوپاو تورکی چالاکیی کاریگەرش کەرد. چا هجوومانە گورزی کاریگەرش وەنەو دوژمنی وست، بەشێوێوی بە یەک جار ١١ سەروازێ دوژمنی سزا دریێ. حەر ئینسانێوی ژیر جە دۆخوو جەنگوو ئی چوارساڵەیە  ورد بۆوە موینۆ سوپاو تورکی ئینا چە دۆخێوی شکسواردەنە و جگە بێچارەبییەی و بێدەرەتانی هیچش پەی نەمەنەنوە.

بە بانگەشە و ڕیکلامکەردەی هەوڵێ مدانێ سوپا و تەکنیکوو وێشا سەرکەوتە و نیشانە بدانێ و ڕاسیەکا پێچەوانە مکەرانێوە. ڕاسییەکە ئانەنە گەریلا جگە چا بارودۆخە سەختەیە چند بە ئیرادەوە سوپا و تەکنیکەکاو دەوڵەتوو تورکی ماڕۆ. گەریلا ساڵیادوو هەڵمەتەو ١وو حوەزیرانینە چالاکیی سابۆتاژی دژوو دوژمنی کریا، گەریلا کە مانگەو گیانبازیی مانگەو حوزەیرانینە بە کەردەی چالاکیی کاریگەری خێرامایش چا مانگێ کەرد، ئینەیچ بە ماناو پەیامێوا کە پەی دەوڵەتوو ئەرەگیرکەری. بە پاو دروەکاو دەوڵەتوو تورکی گەریلای  هەرێمەکاو زاپی، مەتینا و ئاڤاشینینە مانیان! کەچی موینمێ گەریلا حەر ڕوە و چالاکییەکەیش کاریگەرتەر مکەرۆ. وەختێ ئینسان چالاکییەکاو گەریلای موینۆ، مزانۆ کە سوپاو تورکی حەر دۆخێوەنە بانێ و چە تەکنیک و چەکێوەشا پنە بۆ، گەریلا بە چە ئاستێەی بەرزۆ هجووم مکەرۆ.

حەر کاتێوە سوپاو تورکی هەنگامێو منیۆ، ڕاستەوخۆ مبۆ بە ئامانجوو گەریلای

با بگێڵمیوە پەی سەروو چالاکییەکاو گەریلای هەرێموو مەتیناینە. دماو مانگەو ئایاریوە جووڵەو سوپاو تورکی چا هەرێمەنە زیاتەر بییەن. حەرجارە و ڕێبازێوی تازە تاقیی مکەرۆوە. گەرەکشەن گەریلای هەرێمەکەنە دلێنە بەرۆ و بێکاریگەرش بکەرۆ. دماتەر پلانەو هجوومکەردەی سەروو تونێلەکاو جەنگی مجۆرە. تا بەرەو تونێلەکا مێ، بەجوابدایوەکاو گەریلایوە بە لووتمەڕیای مگێڵۆوە. هەوڵێ مدۆنە بێ سەروو سەنگەرەکاو گەریلا، کەچی بە مەڕیای مگێڵناشۆ. گرد ڕێبازێو تاقیی مکەرۆوە، کەچی بێئەنجام مبۆنە. گەریلاکاو ئازادیی کوردستان شەڕ و چالاکیەکانی خۆیان بەردەوام دەکەن. هەموو ئەمانەش بەو مانایە دێت دەوڵەتی تورک کە بێچارێ و شکس واردێ با و نمەتاوۆ بیاوۆ بە ئامانجەکەیش، وەختێونە بە گردوو ڕا و ڕێبازێوی نائەخلاقیەوە جەنگ مکەرۆ. بەڵام ئا ڕاسییە پەشتڕاست بیوە کە هیچ هێزێ و حەر رێبازێو نمەتاوۆ وەراوەروو هێزی بەئیرادەو گەریلاینە بمدرۆ.

مەتینانە هێزەکاو گەریلای هجووم مکەرانێ سەروو سوپاو تورکی و گورزی کوشندیشا میاونا لا. هێزوو گەریلا بە فەلسەفەو ڕابەر ئاپۆیوە، سوپاو تورکیش تێکومەکان دان، کە پەشتیشا بە تەکنیکوو وێشا بەستەن،. چالاکییەکاو زاپ، مەتینا و ئاڤاشینی نموونێوی خاسوو ئی سەرکەوتەیاو گەریلایە و شکسخواردەی سوپاو دەوڵەتوو تورکینێ. سوپاو تورکی ئیتر نمەتاوۆنە خاکوو کوردستانینە یەک هەنگامەی تەرە بنیۆ و حەشارگەکاشنە بێ بەرۆ. سوپاو تورکی حەر یاگێونە کە ماچۆ 'پەکەکەش نیا چنە' چا گورزی کوشندە موەرۆ بە دەساو گەریلای. پێسە دیمەنە وەڵاکریایوەکاو گەریلاینە موینیۆ. سوپاو تورکی مگنانێ دلێو شۆکێوی گەورەی و چا وەختانە نمەزانانێ کۆرە ڕەمانێ. گەریلا بە تەکنیکی مۆدێرنەوە بەرەو سەرکەوتەی هەنگامە منیۆنە و سوپاو تورکی بەشێوێوی تێکێ شیێنێ، کە نمەتاوانێ وێچشا ڕزگار بکەرا. گەریلا جە زەمین و عاسماننە بە تەکنیکە مۆدێرنەکاوە باڵادەس بییەن. کە پاسەش کەردەن، سوپاو تورکی هەر هەنگامێو منیۆ، بۆ بە ئامانجوو گەریلای.