جەنگاوەراو ئازادیی کوردەسانی (ماک) جە بارەو چالاکییەکاشاوە جە دژو کودەتاو قەیومی ئەرەیاۋنێوەش وەڵا کەرڎۆ.

جە ئەرەیاۋناکەینە ئامان: "جەنگاوەراما وێرەگاو ٦و تشرینو دووەمی جە فرەو گەڕەکا ئێلیحینە جە ۋەرا ۋەرو هێزەکاو دۆڵەتو تورکی ئەرەگیرینە مجیێرە سەرو جاڎەکا. جەنگاوەرەکێما جە چڼین شۆنێنە ۋەربەسشا نیارە و تا نیمەشەو ۋێڕاگریشا کەرد. جە گەڕەکەکاو باغلەر، ئیپراگاز، کۆچەرا، جودی، پەترۆلکەنت، کارشیاکا، ئەمەکلی تۆکی، هیلال، پازاریەری و بایندرەنە بە بۆمبی دەسکرڎ، مۆلۆتۆف و گولۍ هەوایۍ ۋەرپەرچو هرووژمە دژوارەکا پۆلیسیشا داوە. کۆنترۆڵو بەشێوە فرە جە گەڕەکەکا دەسو جەنگاوەراماوە بۍ ئەرەگیرا بە پەشتیوانی ئاسمانی هرووژمشا کەرڎ سەرو ناوچەکا مڎرامانی. چا جەنگەنە کە تا سەرسەعب بەردەوام بۍ ژمارێوە فرەۍ ئەرەگیرۍ زامڎارۍ بیۍ.، گورزە جە چڼین ترۆمبێلە زرێپۆشا شنیا.

جەنگاوەراما ٥و تشرینو دووەمی سەعات ٢٠:٤٥ دەیەقۍ جە مێڎانوو ئاپێ موساینە جە ناوچەو لجێی ئامەدی و دەگاو پەیکۆینە گورزەشا ۋنەو شۆفڵۍ بارەگای سەروازی شانا. شۆفڵو جۆرو ئیسکاڤاتۆری کە جە وەشکەردەی ڕاو سەروازینە بەکارئۍ بە سابۆتاژ ئێرش وەردریانە".