یاساو قەدەغەکەردەی هێماکاو نازیسمی و هێماکای تەروو قینێ و کینەی، کە وەڵتەر و مانگەو نیسانینە پەرلەمانوو سویسراینە ویەرنیێبێنێ، کانتۆنوو جنێڤوو ئا وەڵاتەینە وزیێ رێفراندۆمۆ.

بەپاو ئەنجامەکا سەدەنە ٨٥وو ئەرەنیشتاو جنێڤی دەنگشا بە قەدەغەکەردەی ئا هێمایا دان، تا ئیتر یاگە گردینەکانە نمایشێ نەکریا، پیسەیچە جنێڤمبۆنە بە ئەوەڵ کانتۆنوو سویسرای، کە ئا هێمێشە قەدەغێ کەردێنێ.

هەمان ڕاپەرسییەنە سەدەنە ٧٦وو بەشداربییا وێکوشتەی ئارەزومەندانەشا ڕەت کەردەنۆ، کە جە بڕێو حاڵەتوو نەوەشییە درێژخواینانە و بێچارەسەریینە، بە ڕەزامەندیی نەوەشەکەی پزیشکێ متاوانێ دمایی بە ژیوای نەوەشەکەی بارانێ.