میرخان کارکەر، ئەنداموو کۊمیتەو گەلا و بیروباوەڕییەکا کەجەکەی، جەژنەو قوربانیش جە گەلوو کورڎی و جەهانی ئیسلامی پیرۊزە کەرڎە و واتش: "ئارۊ ئانۍ دین بەکار بەرا وتارە و ژیۋای جیاوازتەرشا جە قسەکاشا هەن پێویسا ئی دوژمنا بە عالی بشناسمۍ و ئاشکرێشا بکەرمۍ.
میرخان کارکەر، ئەنداموو کۊمیتەو گەلا و بیروباوەڕییەکا کۆنفیدرالیزموو گلېرگەو کورڎەسانی (کەجەکە)ی جەژنەو قوربانیش جە گەلوو کوردی و جەهانی ئیسلامی پیرۆزە کەردە.
میرخان کارکەر بە ئاماژەدای پانەی کە قوربانی ڕەمزێوە ماناڎارا و واتش: "مەسەلەکۍ تەنیاا ئانە نییا سەرەو ئاژەڵێوە بڕی. چا وەختەنە ستەمکارا و پاشاکۍ گرڎ چېوێشا جە خەڵکی هۊرگېرت، پانەیچۆ نەمردۍ و واچېنۍ شمە زاوڵەکاتا پەی ئێمە بکەردۍ بە قوربانی. واچێنۍ ئەگەر زاوڵەکەیت نەکەری بە قوربانی لافاو مۍ، مۊڎت ۋنەو چنەت قۆمیۆ، ژیۋایت ۋنە حەرام بۆ و ملینە جەحەنەم. پۊکەی جە لېوە خەڵکی تەرسنېنۍ و جە لېوەتەرۆ هیوا بەخشانە. واچێنۍ ئەگەر ئانەی ئێمە ماچمېش بکەریش ملی بەهەشت، ئەگەر نەکەریش ملینە جەحەنەم. حەزرەتوو ئیبراهیمی فەرماواش ئیتر مەبۆ ئینسان پەی قازانجی و دەسەڵاتدارا کوشیۊنە و ڕەمزێوەتەر مېزۊوە.
بەڵام ئارۆ ئانۍ نامۍ حەزرەتوو ئیبراهیمی پەی مەسڵەحەتوو ۋېشا بەکاربەرانە هەمان ئا هەرمانا مکەرا کە ستەمکارەکۍ چا سەردەمەنە کەردەنشا. پەی مەسڵەحەتوو ۋێشا، بە نامۍ دەوڵەت، ئایین، بە نامۍ ئاڵۍ و سنووریوە، ئینسانەکا کوشا، سەرەشا بڕا، بێسەروشۆنێشا مکەرا، عەزیەتشا مکەرا. بە مەعنېوەتەر هەمان شێوازوو نەمروودەکا ئەنجام مڎا. بەڵام حەزرەتوو ئیبراهیمی ئینەش قبوڵ نەکەرد. ستەمکاراو ئارۊی ناوەندۍ فرۍ جیاوازێشا وەش کەردێنۍ پەی ئانەی مرۆڤەکۍ جە ڕاسییە ئایینییەکا دوورۍ با. پەی نموونەی بودجېوە گەورە بەنامۍ دینیوە تەرخان مکەرا، داروودەسەکەشا تازەتەرین مۆدێلوو ترۊمبێلی بەکاربەرانە و هەزاران ئەندامېشا ئینۍ ۋەروودەسانە. مزگی پەی هەزار کەسا وەش مکەرا کە تەنانەت ٢ کەسۍ ۋێشا مەلانە دلێش. بزانە کەعبە چن ساڎەن و تەماشەو ئی کارا ئاڎیشایچ بکەرە بزانە چېششا کەردەن. پەی شارایۆ دزی و دروەکاشا ماچا: "کۆشکێوەم پەی ۋېم وەشەکەردە و یانەو خوڎایچم پېسە کۆشکێوە وەشکەرد، ملیۆنان کەسۍ سەردای کەعبەی مکەرا، بەڵام ساڎەن. ئەگەر مەجالشا بیۍ، تەنانەت شێوەو کەعبەیچ بە ویستوو ۋێشا فاڕێنۍ."
ئێمە پێویسا دوژمناو ڕەنجوو خەڵکی بە عالی بشناسمۍ
میرخان کارکەر، ئەنداموو کۊمیتەو گەلا و بیروباوەڕییەکا کۆنفیدرالیزموو گلېرگەو کورڎەسانی (کەجەکە)ی ، جەختش چانەیچ کەردۆ کە دەوڵەتا ئیسەی بەردەوام دینی پەی وەشکەردەی فەلسەفەو هەژاری بەکاربەراو واتش: " ٥٠٠ ساڵۍ وەڵۍ دۆڵەمەڼەکانە لووێنۍ بەهەشت، ئەگەر جە هەر شۊنێنە کۆشکە و موڵکتا هەن، کەواتە پەی چێشی کۆشک و موڵک و یانەو ۋێتا مەڎەیدۍ بە هەژارا تا بتاودۍ بلدۍ بەهەشت؟ ئی مرۆڤە دووڕوو و بێ دین و بێ باوەڕۍ بە مەعنېوە گاڵتە بە ڕەسەنایەتی گلېرگەی مکەرا. ئی کەسۍ کە دین بەکاربەرا، قسەکېشا چێوێنۍ، کردەوە و ژیۋایشا چېوۍ تەرا. پێویسا ئی دوژمناو ڕەنج و مانیایی گەلی بە عالی بشناسمۍ. هەر ۋەروو ئی مەڵامەتیە مشۊم گەلەکەما، خەڵکی ئیماندار، مەلاکۍ، زانایا ئایینی ئی دووڕووا ئاشکرۍ بکەرا. پی بۆنۆ جارێوەتەر مبارەکبایی جەژنەو قوربانی جە گەلی قارەمانیما، ڕابەرایەتیما و جەهانی ئیسلامی مکەروو.
پەیامە ڤیدیۆییەکەو میرخان کارکەری، ئەنداموو کۊمیتەو گەلا و بیروباوەڕییەکا کۆنفیدرالیزموو گلېرگەو کورڎەسانی (کەجەکە)ی بۊنەو جەژنەو قوربانیۆ ئینەن:
